មានដឹងថា ពន្លឺព្រះអាទិត្យ មានសារៈសំខាន់ ដល់សុខភាព មនុស្សច្រើន កម្រិតណាទេ?

អេស្ប៉ាញ៖ កាលពីពេលថ្មីៗនេះ ក្រុមអ្នកវិទ្យាសាស្ត្រ បានបញ្ចេញ របាយការណ៍មួយ ដែលបង្ហាញ ពីគុណប្រយោជន៍ របស់ពន្លឺព្រះអាទិត្យ មកលើសុខភាព មនុស្សនិង ព្រមទាំងអាច ជួយឲ្យមនុស្ស គេចផុតពី ជំងឺជាច្រើន មុខទៀតផង។

យោងតាមការ ស្រាវជ្រាវថ្មី របស់ក្រុម អ្នកវិទ្យាសាស្ត្រ នៃសាកលវិទ្យាល័យ Malaga ប្រទេសអេស្ប៉ាញ បានបង្ហាញថា ការស្រូបយក ពន្លឺព្រះអាទិត្យ ជាពិសេស គឺនៅពេលព្រឹក មានសារៈសំខាន់ ខ្លាំងណាស់សម្រាប់ មនុស្សគ្រប់គ្នា ព្រោះវាអាច ជួយឲ្យពួកគេ គេចផុតពី ជំងឺទឹកនោមផ្អែម និងភាពធាត់ ជ្រុលបាន។

អ្នកវិទ្យាសាស្ត្រ បានពន្យល់ថា នៅពេលដែល មនុស្សស្រូប យកពន្លឺព្រះអាទិត្យ នោះកម្រិត វីតាមីន D នៅក្នុងខ្លួន ក៏មានការ កើនឡើងផងដែរ។ ហើយវីតាមីន D មួយនេះគឺមាន មុខងារយ៉ាងសំខាន់ សម្រាប់ទ្រទ្រង់ ដំណើរនៃការ ដុតរំលាយអាហារ ក្នុងរាងកាយ ដែលនេះ ជាមូលហេតុ មួយក្នុងការ ជួយឲ្យមនុស្ស ជៀសផុតពី ការឡើងសម្ពាធ ឈាមខ្ពស់, ធាត់ជ្រុល, និងជាពិសេស នោះគឺ ទឹកនោមផ្អែម។

រូបភាពៈ ការស្រូបយក ពន្លឺព្រះអាទិត្យ គឺបានផ្តល់ សារៈសំខាន់ ជាច្រើនដល់ សុខភាពមនុស្ស

លើសពីនេះទៀត វីតាមីន D ក៏បានជួយ គ្រប់គ្រង សារជាតិកាល់ស្យូម ក្នុងខ្លួនមនុស្ស ដើម្បីរក្សា ឆ្អឹង និងសាច់ដុំ ឲ្យមានសុខភាព ល្អ ព្រមទាំងជួយ សម្រួលដល់ ប្រព័ន្ធស៊ាំ នៅក្នុងសារពាង្គកាយ ដែលធ្វើឲ្យ មនុស្សគេចផុត ពីជំងឺហឺត និងជំងឺតាអក (ជំងឺស្បែកម្យ៉ាង)។

លោក Dr. Manuel Macias-Gonzlez នៃសាកលវិទ្យាល័យ Malaga បាននិយាយថា “ពិតណាស់ការ រកឃើញថ្មី របស់យើងនេះ គឺសំដៅទៅលើ សារៈប្រយោជន៍ នៃវីតាមីន D សម្រាប់មនុស្ស។ ដើម្បីទទួលបាន វីតាមីន D មនុស្សគ្រាន់តែ ចេញទៅក្រៅ រកកន្លែងដែល ស្រឡះល្អ ដើម្បីអាចឲ្យ ពួកគេស្រូប យកពន្លឺព្រះអាទិត្យ បានគ្រប់គ្រាន់ នោះក៏អាចធ្វើឲ្យ ពួកគេគេច ផុតពីជំងឺ ជាច្រើនមុខ បានទៅហើយ”។

នេះគឺជា ការរកឃើញ ថ្មីមួយទៀត របស់អ្នក វិទ្យាសាស្ត្រដូច្នេះ យើងគួរតែ ឆ្លៀតពេល ដើម្បីចេញ ទៅស្រូបយក ខ្យល់អាកាស ជាពិសេសនោះគឺ ពន្លឺព្រះអាទិត្យ នាពេលព្រឹក ព្រលឹមដើម្បី អាចឲ្យសុខភាព របស់យើង វិវត្តន៍ កាន់តែល្អ និងជៀសឆ្ងាយ ពីជំងឺផ្សេងៗទៀត៕

តើប្រិយមិត្តយល់ យ៉ាងណាដែរ?

រូបភាពៈ អាហារផ្សេងទៀត ដែលមាន ផ្ទុកវីតាមីន D

ប្រភព៖ ដេលីម៉េល

ដោយ៖ Xeno

ខ្មែរឡូត

Read More

ថ្ងៃ០៦មេសា​ រដ្ឋសភាបើកសម័យប្រជុំពេញអង្គ

ដោយ ៖ វ៉ា វឌ្ឍនៈ

ថ្ងៃសុក្រ ទី៣ ខែមេសា ឆ្នាំ២០១៥ ម៉ោង ១០:៣១

រាជធានីភ្នំពេញ​ ៖ បើគ្មានអ្វីប្រែប្រួលនោះទេ ​រដ្ឋសភាជាតិនឹង​បើកសម័យប្រជុំពេញ​អង្គលើកទី៤ ​នីតិកាលទី៥ ​នៅព្រឹកថ្ងៃទី០៦ ​មេសា​ ២០១៥ ក្រោម​អធិបតី​ភាពសម្តេច ​ហេង សំរិន ។

នេះបើយោងតាម​កម្មវិធីរបស់​សម្តេចប្រធានរដ្ឋសភាជាតិ ​ដែលត្រូវបានគេចែកចាយ​នៅថ្ងៃម្សិលមិញ ​។

យ៉ាងណាក៍ដោយ​នៅក្នុងសម័យប្រជុំ​សភាពេញអង្គ​នៅថ្ងៃចន្ទដើមសប្តាហ៍ក្រោយនេះ​ គេមិនដឹងថាតើ​រដ្ឋសភាជាតិ​នឹងពិភាក្សានិង​អនុម័តលើរបៀបវារៈ​សំខាន់ៗអ្វីខ្លះ​​នោះ​ទេ ។

បើតាមកម្មវិធីរបស់សម្តេច ​ហេង សំរិន​ដដែល ​នៅបន្ទាប់ពោលថ្ងៃទី០៧ ​មេសា ២០១៥ ​គណៈអចិន្ត្រៃយ៍រដ្ឋសភា​នឹងពិនិត្យលក្ខណៈសម្បត្តិបេក្ខជន គ.ជ.ប ៕

• 

From : កោះសន្តិភាព

Read More

តារាកំប្លែងនាយក្រិន

ភ្នំពេញ៖ តារាកំប្លែងមាឌល្អិត តែសម្ដីខ្លាំង នាយ ក្រិន មានឈ្មោះពិតថា ទេស សុជន ត្រូវបានគេ ដឹងជាទូទៅថា បានបែកបាក់ ប្រពន្ធទី១ ស្របច្បាប់ត្រឹមត្រូវ ក្រោមអំណាច សាលក្រមតុលាការ ខណៈកូនត្រូវ បានទៅលើនាង ហ៊ិន ចាន់ធឿន ហៅ សុវណ្ណរ៉ា រួមទាំងមាន ការបែងចែក ទ្រព្យសម្បត្តិ គ្នាទៀតផង ។
ក្រោយពីលែងលះ ប្រពន្ធដែល ដែលមានស្រុកកំណើត នៅក្រុងព្រះសីហនុ រួចមក លោក ទេស សុជុន លែងនិយាយ ឬផ្ដល់បទសម្ភាសន៍ ណាមួយ ជាមួយអ្នក កាសែតឡើយ ថែមទាំងគេច ពីកាមេរ៉ា ដូចគេគេច គ្រាប់ផ្លោងអ៊ីចឹង ។ កាលពីចុងឆ្នាំ ២០១៤ កន្លងទៅ គេបានឮដំណឹង បែកធ្លាយថា នាយក្រិន បានប្រពន្ធទី២ ឈ្មោះ យ៉ាយ៉ា ថែមទាំងមាន កូនមួយ ជាចំណងដៃ នឹងគ្នាទៀតផង ខណៈពួកគេ ទាំងពីរ មិនបានរៀបការ ត្រឹមត្រូវទេ ព្រោះគ្មានលុយការ ក៏នៅជាមួយ គ្នាតែម្ដង ។
បន្ទាប់ពីកូនទី២ នាយក្រិនធំ ស្ទើរប៉ុនខ្លួនទៅហើយ ទើបធ្លាយដំណឹងថ្មី ទៀតមកថា នាយ ក្រិន កំពុងតែត្រៀម រៀបការ ប្រពន្ធទី២នេះ ដែលកម្មវិធីមង្គល នឹងរៀបចំក្នុង ពេលឆាប់នេះ តែមិនធ្វើក្នុង ទ្រង់ទ្រាយ ធំដុំពេកទេ សំខាន់គ្រាន់តែចង់ លើកមុខលើកមាត់ ប្រពន្ធរបស់ ខ្លួនថា ជាស្ត្រីមានខាន់ស្លា កុំឲ្យញាតិថា គ្មានខាន់ស្លា ។
មតិអ្នកសិល្បៈជាច្រើន ក៏ដូចជាទស្សនិកជន បានយល់ថា រឿងប្រពន្ធកូន បានក្លាយជារឿង គួរឲ្យញញើត បន្ទាប់ពីនាយ ក្រិន បែកបាក់ ប្រពន្ធទី១ ដោយសារហេតុផល មិនចុះសម្រុងនឹងគ្នា រួចក៏បែងចែក ទ្រព្យសម្បតិ្ត ដោយទ្រព្យភាគច្រើន ជាកម្លាំងញើសឈាម របស់នាយក្រិន ជាអ្នករកយ៉ាង លំបាកម្នាក់ឯង ដូច្នេះ នាយ មិនចង់ជួបរឿង ដដែលៗ ឡើយ ៕
មើលរូបភាពមុន ថ្ងៃអាពាហ៍ពិពាហ៍ នាយក្រិន មកដល់ ស្អាតកម្រិតណា?







ផ្តល់សិទ្ធដោយ ដើមអម្ពិល

Read More

គ្រូ​វិទ្យាល័យ​១០មក​រា ធ្វើ​កូដកម្ម​មិន​បង្រៀន​ទាមទារ ឱ្យ​ដក​គ្រូ​ម្នាក់​ចេញពី​សាលា

បញ្ចូលអត្ថបទ ៖ អប្សរា

ថ្ងៃព្រហស្បតិ៍ ទី២៦ ខែកុម្ភៈ ឆ្នាំ២០១៥ ម៉ោង ១៥:១៤

ខេត្តសៀមរាប ៖ កាលពី​ព្រឹក​ថ្ងៃ​ទី​២៥ កុម្ភៈ នៅ​ក្នុង​វិទ្យាល័យ​១០​មក​រា លោកគ្រូ​អ្នកគ្រូ​ប្រមាណ​ជាង​៥០​នាក់ បាន​នាំ​គ្នា​ធ្វើ​កូដកម្ម​សុំ​ឲ្យ​មន្ទីរ​អប់រំ យុវជន​និង​កីឡា ដក​គ្រូបង្រៀន​ម្នាក់​គឺ​លោកគ្រូ ជាន ស៊ន ចេញពី​វិទ្យាល័យ​១០​មក​រា ដោយ​អះអាង​ថា លោកគ្រូ​ម្នាក់​នេះ បាន​ប្រព្រឹត្ត​កំហុស​ខុសឆ្គង​មួយ​ចំនួន​ដែល​ធ្វើ​ឲ្យ​អាប់ឱន​កិត្តិយស​របស់ ​វិទ្យាល័យ​នេះ ។

តំណាង​គ្រូបង្រៀន​ទាំងអស់​ដែល​នាំ​គ្នា​ធ្វើ​ កូដកម្ម​បាន​ឲ្យ​ដឹង​ថា លោកគ្រូ​-​អ្នកគ្រូ​មិន​ពេញចិត្ត​អាកប្បកិរិយា​របស់ លោកគ្រូ ជាន ស៊ន និង​ចង់​ឲ្យ​ផ្លាស់​ប្តូរ​គាត់​ចេញ ព្រោះ​ធ្លាប់​មាន​ទំនាស់​ជា​រឿយ​ៗ​នឹង​គ្រូ​ឯទៀត​នៅ​ក្នុង​វិទ្យាល័យ​នេះ ។ មិនតែប៉ុណ្ណោះ គាត់​បាន​ប្រើ​ពាក្យ​ប្រមាថមើលងាយ​ដល់​គ្រូបង្រៀន​ដទៃ ដែល​មាន​វ័យ​ចំណាស់​ជាង​ខ្លួន ពិសេស​គឺ​លោកគ្រូ ជាន ស៊ន រូប​នេះ ធ្លាប់​ធ្វើ​ទារុណកម្ម​លោកគ្រូ​ម្នាក់​ដោយ​បង្ហោះ​រូប​គាត់​ក្នុង​ហ្វេ​ស​ ប៊ុ​ក​ទៀត​ផង ដែល​ទ​ង្វើ​ទាំង​អស់នេះ​ធ្វើ​ឲ្យ​អាប់ឱន​កិ​តិ្ត​យស​ដល់​លោកគ្រូ​ទូទៅ​នៅ​ ក្នុង​វិទ្យាល័យ​១០​មក​រា នេះ ។ ចំណែក អាណាព្យាបាល​សិស្ស​លែង​ទុកចិត្ត​គ្រូ​នៅ​វិទ្យាល័យ​១០​មក​រា​ទៀត​ហើយ ដោយ​ខ្លះ​បាន​ផ្ទេរ​កូនចៅ​ទៅ​រៀន​នៅ​សាលា​ឯកជន​ទៀត​ផង ។ ដូច្នេះ​ដើម្បី​ស្តារ​មុខមាត់​វិទ្យាល័យ​១០​មក​រា​ឡើង​វិញ ដែល​ជា​វិទ្យាល័យ​ជា​គំរូ​នៅ​ក្នុង​ខេត្តសៀមរាប គឺ​មាន​តែ​សុំ​លោក​ប្រធាន​មន្ទីរ ផ្លាស់​ប្តូរ​លោកគ្រូ ជាន ស៊ន ដែល​បង្រៀន​មុខ​វិជ្ជា​ភាសា​ខ្មែរ​ចេញពី​សាលា បើ​មិន​ដូច្នេះ​ទេ​ពួក​គាត់​នឹង​ធ្វើ​កូដកម្ម​ក្នុង​រយៈពេល​៣​ថ្ងៃ គឺ​ចាប់ពី​ថ្ងៃ​ទី​២៥ ដល់​ថ្ងៃ​ទី​២៧ ខែកុម្ភៈ មិន​ចូល​បង្រៀន​សិស្ស​ទេ បើ​មិន​ដោះស្រាយ​ឲ្យ​ពួក​គាត់​។

លោកគ្រូ ជាន ស៊ន ដែល​ក្រុម​គ្រូបង្រៀន​វិទ្យាល័យ​១០​មក​រា មួយ​ចំនួន បាន​ធ្វើ​កូដកម្ម​សុំ​ឲ្យ​ដក​ចេញពី​សាលា​១០​មក​រា បាន​ឲ្យ​ដឹង​ថា លោក​មិនដឹង​ថា​ខ្លួន​លោក​ខុស​រឿង​អ្វី​នោះ​ទេ ព្រោះ​កន្លង​មក​រៀង​រាល់​ឆ្នាំ លោក​តែងតែបាន​ទទួល​ប័ណ្ណសរសើរ​ពី​នាយក​សាលា និង​ក្រសួង​អប់រំ​ថា ជា​គ្រូ​ល្អ ប៉ុន្តែ​ដល់​ពេល​នេះ​គេ​ថា រូប​លោក​ជា​អ្នក​ធ្វើ​ឲ្យ​ខូច​កិត្តិយស​សាលា​ទៅ​វិញ ។

ជុំវិញ​បញ្ហា​ នេះ​ដែរ លោក អ៊ុ​ង សេរី​ឌី ប្រធាន​មន្ទីរ​អប់រំ​ខេត្តសៀមរាប បាន​ឲ្យ​ដឹង​ថា រហូត​មក​ដល់​ពេល​នេះ ខាង​មន្ទីរ​បាន​ប្រជុំ​៤​លើក​មក​ហើយ  ក្នុង​ការ​រក​ដំណោះស្រាយ​ឲ្យ​ពួក​គាត់​។ លោក​បាន​បន្ត​ថា សូម​ឲ្យ​គ្រូបង្រៀន​ទាំងអស់​រង់ចាំ​ដំណោះស្រាយ​ពី​ថ្នាក់​ខេត្ត​សិន ហើយ​ត្រូវការ​ពេលវេលា​បន្ថែម​សម្រាប់​ការ​ស្រាវជ្រាវ​រឿង​នេះ ។ លោក​បន្ថែម​ថា នេះ​ជា​រឿង​ទំនាស់​បុគ្គល​និង​បុគ្គល ប៉ុន្តែ​បាន​ទាញ​ចូល​ទៅ​ក្នុង​ការ​គ្រប់គ្រង​របស់​សាលា​ទៅ​វិញ ។ លោក​បន្ថែម​ថា លោក​សំណូមពរ​ឲ្យ​គ្រូបង្រៀន​ទាំងអស់​ចូល​បង្រៀន​សិស្ស​ជា​ធម្មតា ត្រូវ​គិតគូរ​ពី​ផលប្រយោជន៍​សិស្ស​ជា​ធំ មុន​នឹង​សម្រេចចិត្ត​ធ្វើ​កូដកម្ម​មិន​បង្រៀន​ដែល​មាន​រយៈពេល​៣​ថ្ងៃនេះ ។ ការ​តវ៉ា​នេះ​មិន​ទាន់​ដឹង​ថា​ដោះស្រាយ​បែប​ណា​ទេ ៕

• 


• 


• 


• 


• 

បញ្ចូលអត្ថបទ ៖ អប្សរា

ថ្ងៃព្រហស្បតិ៍ ទី២៦ ខែកុម្ភៈ ឆ្នាំ២០១៥ ម៉ោង ១៥:១៤

ខេត្តសៀមរាប ៖ កាលពី​ព្រឹក​ថ្ងៃ​ទី​២៥ កុម្ភៈ នៅ​ក្នុង​វិទ្យាល័យ​១០​មក​រា លោកគ្រូ​អ្នកគ្រូ​ប្រមាណ​ជាង​៥០​នាក់ បាន​នាំ​គ្នា​ធ្វើ​កូដកម្ម​សុំ​ឲ្យ​មន្ទីរ​អប់រំ យុវជន​និង​កីឡា ដក​គ្រូបង្រៀន​ម្នាក់​គឺ​លោកគ្រូ ជាន ស៊ន ចេញពី​វិទ្យាល័យ​១០​មក​រា ដោយ​អះអាង​ថា លោកគ្រូ​ម្នាក់​នេះ បាន​ប្រព្រឹត្ត​កំហុស​ខុសឆ្គង​មួយ​ចំនួន​ដែល​ធ្វើ​ឲ្យ​អាប់ឱន​កិត្តិយស​របស់ ​វិទ្យាល័យ​នេះ ។

តំណាង​គ្រូបង្រៀន​ទាំងអស់​ដែល​នាំ​គ្នា​ធ្វើ​ កូដកម្ម​បាន​ឲ្យ​ដឹង​ថា លោកគ្រូ​-​អ្នកគ្រូ​មិន​ពេញចិត្ត​អាកប្បកិរិយា​របស់ លោកគ្រូ ជាន ស៊ន និង​ចង់​ឲ្យ​ផ្លាស់​ប្តូរ​គាត់​ចេញ ព្រោះ​ធ្លាប់​មាន​ទំនាស់​ជា​រឿយ​ៗ​នឹង​គ្រូ​ឯទៀត​នៅ​ក្នុង​វិទ្យាល័យ​នេះ ។ មិនតែប៉ុណ្ណោះ គាត់​បាន​ប្រើ​ពាក្យ​ប្រមាថមើលងាយ​ដល់​គ្រូបង្រៀន​ដទៃ ដែល​មាន​វ័យ​ចំណាស់​ជាង​ខ្លួន ពិសេស​គឺ​លោកគ្រូ ជាន ស៊ន រូប​នេះ ធ្លាប់​ធ្វើ​ទារុណកម្ម​លោកគ្រូ​ម្នាក់​ដោយ​បង្ហោះ​រូប​គាត់​ក្នុង​ហ្វេ​ស​ ប៊ុ​ក​ទៀត​ផង ដែល​ទ​ង្វើ​ទាំង​អស់នេះ​ធ្វើ​ឲ្យ​អាប់ឱន​កិ​តិ្ត​យស​ដល់​លោកគ្រូ​ទូទៅ​នៅ​ ក្នុង​វិទ្យាល័យ​១០​មក​រា នេះ ។ ចំណែក អាណាព្យាបាល​សិស្ស​លែង​ទុកចិត្ត​គ្រូ​នៅ​វិទ្យាល័យ​១០​មក​រា​ទៀត​ហើយ ដោយ​ខ្លះ​បាន​ផ្ទេរ​កូនចៅ​ទៅ​រៀន​នៅ​សាលា​ឯកជន​ទៀត​ផង ។ ដូច្នេះ​ដើម្បី​ស្តារ​មុខមាត់​វិទ្យាល័យ​១០​មក​រា​ឡើង​វិញ ដែល​ជា​វិទ្យាល័យ​ជា​គំរូ​នៅ​ក្នុង​ខេត្តសៀមរាប គឺ​មាន​តែ​សុំ​លោក​ប្រធាន​មន្ទីរ ផ្លាស់​ប្តូរ​លោកគ្រូ ជាន ស៊ន ដែល​បង្រៀន​មុខ​វិជ្ជា​ភាសា​ខ្មែរ​ចេញពី​សាលា បើ​មិន​ដូច្នេះ​ទេ​ពួក​គាត់​នឹង​ធ្វើ​កូដកម្ម​ក្នុង​រយៈពេល​៣​ថ្ងៃ គឺ​ចាប់ពី​ថ្ងៃ​ទី​២៥ ដល់​ថ្ងៃ​ទី​២៧ ខែកុម្ភៈ មិន​ចូល​បង្រៀន​សិស្ស​ទេ បើ​មិន​ដោះស្រាយ​ឲ្យ​ពួក​គាត់​។

លោកគ្រូ ជាន ស៊ន ដែល​ក្រុម​គ្រូបង្រៀន​វិទ្យាល័យ​១០​មក​រា មួយ​ចំនួន បាន​ធ្វើ​កូដកម្ម​សុំ​ឲ្យ​ដក​ចេញពី​សាលា​១០​មក​រា បាន​ឲ្យ​ដឹង​ថា លោក​មិនដឹង​ថា​ខ្លួន​លោក​ខុស​រឿង​អ្វី​នោះ​ទេ ព្រោះ​កន្លង​មក​រៀង​រាល់​ឆ្នាំ លោក​តែងតែបាន​ទទួល​ប័ណ្ណសរសើរ​ពី​នាយក​សាលា និង​ក្រសួង​អប់រំ​ថា ជា​គ្រូ​ល្អ ប៉ុន្តែ​ដល់​ពេល​នេះ​គេ​ថា រូប​លោក​ជា​អ្នក​ធ្វើ​ឲ្យ​ខូច​កិត្តិយស​សាលា​ទៅ​វិញ ។

ជុំវិញ​បញ្ហា​ នេះ​ដែរ លោក អ៊ុ​ង សេរី​ឌី ប្រធាន​មន្ទីរ​អប់រំ​ខេត្តសៀមរាប បាន​ឲ្យ​ដឹង​ថា រហូត​មក​ដល់​ពេល​នេះ ខាង​មន្ទីរ​បាន​ប្រជុំ​៤​លើក​មក​ហើយ  ក្នុង​ការ​រក​ដំណោះស្រាយ​ឲ្យ​ពួក​គាត់​។ លោក​បាន​បន្ត​ថា សូម​ឲ្យ​គ្រូបង្រៀន​ទាំងអស់​រង់ចាំ​ដំណោះស្រាយ​ពី​ថ្នាក់​ខេត្ត​សិន ហើយ​ត្រូវការ​ពេលវេលា​បន្ថែម​សម្រាប់​ការ​ស្រាវជ្រាវ​រឿង​នេះ ។ លោក​បន្ថែម​ថា នេះ​ជា​រឿង​ទំនាស់​បុគ្គល​និង​បុគ្គល ប៉ុន្តែ​បាន​ទាញ​ចូល​ទៅ​ក្នុង​ការ​គ្រប់គ្រង​របស់​សាលា​ទៅ​វិញ ។ លោក​បន្ថែម​ថា លោក​សំណូមពរ​ឲ្យ​គ្រូបង្រៀន​ទាំងអស់​ចូល​បង្រៀន​សិស្ស​ជា​ធម្មតា ត្រូវ​គិតគូរ​ពី​ផលប្រយោជន៍​សិស្ស​ជា​ធំ មុន​នឹង​សម្រេចចិត្ត​ធ្វើ​កូដកម្ម​មិន​បង្រៀន​ដែល​មាន​រយៈពេល​៣​ថ្ងៃនេះ ។ ការ​តវ៉ា​នេះ​មិន​ទាន់​ដឹង​ថា​ដោះស្រាយ​បែប​ណា​ទេ ៕

• 


• 


• 


• 


• 

Read More

២​នាក់​ប្ដី​-ប្រពន្ធ​កំពុង​ស្វែងរក​យុ​ត្តិ​ធ​ម៌ ​ក្រោយ​ពី​ភរិយា​លោក​​ប៉េ​អឹ​ម​ម្នាក់​​កាប់​ឱ្យ​របួស​រឿង​​លក់​​​​មាន់

​បញ្ចូល​អត្ថបទ ៖ ព្រះអាទិត្យ

ថ្ងៃសុក្រ ទី២៧ ខែកុម្ភៈ ឆ្នាំ២០១៥ ម៉ោង ១៦:៤៤

ខេត្តបាត់ដំបង ​៖ ស្ត្រី​ម្នាក់​បាន​​ឱ្យ​​កោះសន្តិភាពដឹង​នៅ​រសៀល​ថ្ងៃ​ទី​២៧​ កុ​ម្ភៈ ​នេះ​ ថា ភរិយា​មន្ត្រី​កងរាជអា​វុធហត្ថ​ខេត្ត​ម្នាក់ ​បាន​ប្រើ​កាំបិតប៉័ងតោ​កាប់​ទៅ​លើ​ប្អូនស្រី​ និង​ស្វាមី​ បណ្ដាល​ឱ្យ​របួសធ្ងន់ ដោយសារ​ខឹង​ប្អូនស្រី​គាត់​ និង​ស្វាមី​មិន​ព្រម​ទិញ​មាន់​របស់​ខ្លួន ​(​មាន់​ប្រពន្ធ​ប៉េ​អឹ​ម​) ហើយ​ជន​រង​គ្រោះ​ទាំង​២​នាក់​ប្ដី​ប្រពន្ធ​ កំពុង​ស្វែងរក​កិច្ច​អន្តរា​គម​ន៍​ពី​សមត្ថកិច្ច​​នានា និង​ស្ថាប័ន​តុលាការ ដោយ​រិះគន់​​​​ថា មិន​យកចិត្តទុកដាក់​​លើ​សំណុំរឿង​នេះ​។
ស្ត្រី​ដែល​អះអាង​​ថា ត្រូវជា​បង​ស្ត្រី​របស់​ជន​រង​គ្រោះ​បាន​និយាយ​ថា ប្អូនស្រី​របស់​ខ្លួន​ដែល​រង​គ្រោះ​ឈ្មោះ​ហុច វ៉ា​ន់ អាយុ​២៩​ឆ្នាំ រង​របួស​ដៃ​ខាងស្ដាំ រីឯ​ស្វាមី​ឈ្មោះ​ខែ​ន ទេ​ន អាយុ​៣២​ឆ្នាំ រង​របួស​រយះ​លើ​ផ្ទៃមុខ នៅ​ភូមិ​ដំបូក​ខ្ពស់ ឃុំ​អូរ​ដំបង​២ ស្រុក​សង្កែ​ ។ ដោយ​ឡែក​ស្ត្រី​ដៃដល់​ឈ្មោះ​ស្រី​កា អាយុ​៣២​ឆ្នាំ ជា​ប្រពន្ធ​មន្ត្រី​កងរាជអាវុធហត្ថ​ខេត្ត​ម្នាក់​ឈ្មោះ​សាន ​។
ប្រភព​ខាងលើ​​បាន​បញ្ជាក់​ថា ឈ្មោះ​ស្រី​កា បាន​ប្រើ​កាំបិតប៉័ងតោ​កាប់​ទៅ​លើ​ប្អូន​របស់​គាត់​និង​ប្ដី​តាំងពី​ព្រឹក​ ថ្ងៃ​ទី​២៥ ​កុ​ម្ភៈ នៅ​ក្នុង​ផ្សារ​​អន្លង់​វិល ក្នុងស្រុក​សង្កែ ដោយសារ​ខឹង​ប្អូនស្រី​គាត់​មិន​ព្រម​ទិញ​មាន់ខ្លួន​ (​ប្រពន្ធ​ប៉េ​អឹ​ម​) ​។
គាត់​និយាយ​ថា ក្រោយ​កើតហេតុ​ស្ត្រី​ដៃដល់​បាន​រត់​ចូល​ក្នុង​ទីបញ្ជាការ​មូល​ដ្ឋាន​ កងរាជអាវុធហត្ថ​ស្រុក​សង្កែ ដែល​នៅ​ក្បែរ​នោះ តែ​គ្មាន​អ្នក​ជួយ​អន្តរា​គម​ន៍​ប្អូន​គាត់​ទេ ហើយ​ប្អូនស្រី​គាត់​ទៅ​ដាក់​ពាក្យបណ្ដឹង​នៅ​អធិការ​ដ្ឋាន​នគរបាល​ស្រុក​ សង្កែ ក៏​គេ​មិន​ហ៊ាន​ចាត់ការ​លើ​ស្ត្រី​ដៃដល់​នោះ​ដែរ​ ។ ដូច្នេះ​ពេល​នេះ​ គាត់​សំណូមពរ​សុំ​ឲ្យ​លោកស្នងការ​ខេត្ត ឬ​ស្ថាប័ន​តុលាកា​ជួយ​អន្តរា​គម​ន៍​រឿង​នេះ​ផង ។

• 

Read More

តើ​អ្វី​ទៅ​ជា​ជំងឺ​គ្រោះថ្នាក់​សរសៃឈាម​ខួរក្បាល ?

បញ្ចូលអត្ថបទ ៖ ចន្ទ្រគ្រាស

ថ្ងៃចន្ទ ទី២៣ ខែកុម្ភៈ ឆ្នាំ២០១៥ ម៉ោង ១០:៤៦

រាជធានី​ភ្នំពេញ ៖ តាម​និយម​ន័យ​ជំងឺ​គ្រោះថ្នាក់​សរសៃឈាម​ខួរក្បាល គឺជា​ជំងឺ​មួយ​ដែល​មានការ​ប៉ះពាល់​មុខងារ​របស់​ប្រព័ន្ធ​ប្រសាទ ហើយ​កើតឡើង​ភ្លាម​ៗ​អាច​ស្ទះ​សរសៃឈាម ឬ​ក៏​ជា​ហេតុ​បណ្តាល​ឱ្យ​ធ្លាយ​សរសៃ​ហូរ​ឈាម​ចូល​ក្នុង​ខួរក្បាល ។
ទាក់ទិន​នឹង​ជំងឺ​គ្រោះថ្នាក់​សរសៃឈាម​ខួរក្បាល​នេះ លោក​សាស្ត្រាចារ្យ​ច័ន្ទ សំឡេង ប្រធាន​ផ្នែក​ប្រសាទ​សាស្ត្រ​នៃ​មន្ទីរពេទ្យ​កាល់​មែ​៉​ត​បញ្ជាក់​យា​៉​ង​ ដូច្នេះ​ថា គ្រោះថ្នាក់​សរសៃឈាម​ខួរក្បាល​មាន​បែងចែក​ការ​ស្ទះ​ជំងឺ​សរសៃឈាម​មួយ​ភ្លែត ហើយ​មាន​ហូរ​ឈាម​ក្នុង​ខួរក្បាល និង​ហូរ​ឈាម​ចូល​ទៅ​ក្នុង​ស្រោមខួរ ជួនកាល​ការ​ហូរ​ឈាម​នេះ​ដំបូង​អាច​ហូរ​ក្នុង​សាច់​ខួរក្បាល បន្ទាប់​មក​ក៏​ហូរ​ចូល​ទៅ​ក្នុង​ស្រោមខួរ ។
តើ​រោគ​សញ្ញា​នេះ​មាន​អ្វីខ្លះ​ដែល​ធ្វើ​ឲ្យ​យើង​សង្ស័យ​ថា​មាន​ គ្រោះថ្នាក់​សរសៃឈាម​ខួរក្បាល? ភាគច្រើន​យើង​បានដឹង​ទាំងអស់​គ្នា​គឺ​រោគ​សញ្ញា សម្បូរ​ឃើញ​ការ​ស្លាប់​មួយ​ចំហៀង​ខ្លួន ដោយ​ប៉ះពាល់​ទៅ​លើ​ផ្ទៃមុខ វៀច​មុខ ប៉ះពាល់​ទៅ​លើ​ដៃ​អ្នកជំងឺ​លើកដៃ​មិន​រួច ប៉ះពាល់​ទៅ​លើ​ជើង​អ្នកជំងឺ​លើកជើង​មិន​រួច ខ្សោយ​មួយ​ចំហៀង​ខ្លួន ឬ​ក៏​ងាប់​មួយ​ចំហៀង​ខ្លួន​តែ​ម្តង ។ ជួនកាល​អ្នកជំងឺ​ត្អូញត្អែរ​ថា ស្ពឹក​ស្ព​ន់​មួយ​ចំហៀង​ខ្លួន ឬ​ក៏​ចូល​មក​ជួប​គ្រូពេទ្យ​ដោយសារ​គាត់​ងើបឡើង​ក្រោយ​ពី​សម្រាន្ត​ស្រាប់តែ​ គាត់​និយាយ​មិន​ចេញ ឬ​ពាក់ព័ន្ធ​នឹង​ស្រវាំងភ្នែក​មើល​មិន​ច្បាស់ ឬ​ក៏​ងងឹតភ្នែក​ជាដើម​។ ជួនកាល​អ្នកជំងឺ​ចូល​មក​ជួប​គ្រូពេទ្យ​ពេល​គាត់​លេប​ចំណីអាហារ​មិន​ចូល ជួនកាល​គាត់​មាន​វិបត្តិ​នោម​មិន​ចេញ ឬ​ហូរ​ទឹកនោម​មករ​ហូត ។ ទាំងនេះ​សុទ្ធតែ​ជា​រោគ​សញ្ញា​ដែល​យើង​សង្ស័យ​ថា គាត់​មាន​គ្រោះថ្នាក់​សរសៃឈាម​ខួរក្បាល ។
ភាគច្រើន​នៃ​អ្នកជំងឺ គឺ​ទាក់ទង​នឹង​ជំងឺ​លើស​សម្ពាធ​ឈាម នេះ​គឺជា​កត្តា​បង្ក​គ្រោះថ្នាក់​ធំ​ជាងគេ ។ បន្ទាប់​មក​មាន​ជំងឺ​ទឹកនោមផ្អែម និង​ជំងឺ​បេះដូង​ជា​មូលហេតុ​នៃ​គ្រោះថ្នាក់​សរសៃឈាម​ខួរក្បាល ។ ជំងឺ​បេះដូង​អាច​បណ្តាល​មក​ពី​កត្តា​ជា​ច្រើន​ទៀត​ដូច​ជា ជាតិ​ខ្លាញ់​លើស ជាតិ​អា​សុ​ី​ត​លើស អ្នក​ធាត់ អ្នក​ជក់បារី ហូប​ស្រា​ច្រើន និង​នៅ​មាន​កត្តា​បង្ក​គ្រោះថ្នាក់​ផ្សេង​ៗ​ទៀត ។
លោក​សាស្ត្រាចារ្យ ច័ន្ទ សំឡេង ក៏​បាន​អំពាវនាវ​ដល់​ប្រជាពលរដ្ឋ​ទាំងអស់ សូម​មេត្តា​អញ្ជើញ​មក​ពិនិត្យ​សុខភាព​របស់​ខ្លួន​នៅ​មន្ទីរពេទ្យ​កាល់​មែ​៉​ ត ដែល​បច្ចុប្បន្ន​មាន​បំពាក់​បរិក្ខារ​ទំនើប​ៗ​ក្នុង​ការ​ព្យាបាល​ជំងឺ​ គ្រោះថ្នាក់​សរសៃឈាម​ខួរក្បាល សូមកុំ​ឲ្យ​ធ្លាក់ខ្លួន​កើត​ជំងឺ​សរសៃឈាម​ខួរក្បាល​ហើយ​ទើបរ​ត់រក​គ្រូពេទ្យ ​ព្យាបាល​នោះ វា​មិន​ស្រួល​ទេ​ព្រោះថា ជំងឺ​សរសៃឈាម​ខួរក្បាល​កាលណា​កើតឡើង​ហើយ បើ​ទោះជា​មាន​ស្ថានភាព​តូច​ក៏​ពិតមែន​បុ​៉​ន្តែ​កា​រវិ​វ​ឌ្ឍ​របស់​វា​យើង​ មិន​អាច​ទស្សន៍​ទាយ​បាន​ឡើយ​។ ដូច្នេះ​ការ​ដែល​មក​ជួប​គ្រូពេទ្យ​ឯកទេស​ដើម្បី​ស្វែងរក​កត្តា​បង្ក​ គ្រោះថ្នាក់​ហើយ​យើង​ព្យាបាល​ទៅ ជា​ការ​ការពារ​កុំ​ឲ្យ​អ្នកជំងឺ​ធ្លាក់ខ្លួន​ក្នុង​ជំងឺ​គ្រោះថ្នាក់​ សរសៃឈាម​ខួរក្បាល​។ នេះ​ជា​ការ​ការពារ​បឋម បុ​៉​ន្តែ​បើសិនជា​អ្នកជំងឺ​ធ្លាប់​ស្លាប់​មួយ​ចំហៀង​ខ្លួន ត្រូវ​តែ​មក​ជួប​គ្រូពេទ្យ​ដើម្បី​ការពារ​នូវ​ជំហាន​ទី​២ កុំ​ឲ្យ​កើត​មាន​ជំងឺ​គ្រោះថ្នាក់​សរសៃឈាម​ខួរក្បាល​បន្ត​ទៅ​ទៀត​។ កាលណា​កើត​មាន​គ្រោះថ្នាក់​សរសៃឈាម​ខួរក្បាល​ម្តង​កោសិកា​ខួរក្បាល​ខូច​អស់​ មួយ​ដុំ ហើយ​ដល់​យើង​បណ្តោយ​ឲ្យ​គ្រោះថ្នាក់​ម្តងទៀត​ការ​ខូចខាត​កោសិការ​ខួរក្បាល​ របស់​យើង​ក៏​កាន់តែ​រីក​ធំ​ទៅ​ៗ ជួនកាល​អាច​លើក​ទី​២ មាន​គ្រោះថ្នាក់​ដល់​អាយុជីវិត​ទៀត​ផង ។
លោក​សាស្ត្រាចារ្យ ច័ន្ទ សំឡេង ប្រធាន​ផ្នែក​ប្រសាទ​សាស្ត្រ​នៃ​មន្ទីរពេទ្យ​កាល់​ម៉ែត​បាន​បញ្ជាក់​ថា យើង​មិន​ត្រូវ​មានការ​សោកស្តាយ​លុយកាក់​បន្តិចបន្តួច​ក្នុង​ការ​ទៅ​ពិនិត្យ​ ឈាម​ទេ បើ​យើង​ធ្លាក់ខ្លួន​ចូល​ទៅ​ក្នុង​ជំងឺ​គ្រោះថ្នាក់​សរសៃឈាម​ខួរក្បាល ពេល​នោះ​យើង​នឹង​ចំណាយ​លុយ​អស់​រាប់​ពាន់​ដុល្លារ​ដើម្បី​សង្គ្រោះ​ជីវិត ។
បច្ចុប្បន្ន​នៅ​មន្ទីរពេទ្យ​កាល់​ម៉ែត​មាន​ម៉ាស៊ី​ន​អុឹ​ម​ប្រាយ​ដើម្បី​ ពិនិត្យ​ដុំ​ស្ទះ​ក្នុង​សរសៃឈាម​ហើយ​​ម៉ាស៊ី​ន​អុឹ​ម​ប្រាយ​បាន​បង្ហាញ​ ច្បាស់​ជាង​ស្កា​នែរ​ទៅ​ទៀត ទោះបីជា​ដុំ​ស្ទះ​នោះ​តូច​ប៉ុ​ណ្ណា ក៏​ចាប់​រូបភាព​ច្បាស់ ។ មាន​តែ​វិធី​ការពារ​ទេ​ដែល​ធ្វើ​ឲ្យ​ថយ​នូវ​ចំនួន​អ្នក​កើត​សរសៃឈាម​ ខួរក្បាល ៕

• 

បុគ្គល​មាន​ឈាម​ប្រភេទ A , B​និង AB​ប្រឈម​ខ្ពស់​នឹង​ជំងឺ​ទឹកនោមផ្អែម​ប្រភេទ​-2

បុគ្គល ​ដែល​មាន​ឈាម​ប្រភេទ A, B​និង AB​គួរ​ប្រយ័ត្នប្រយែង​ឱ្យ​បាន​ខ្លាំងក្លា​បំផុត​ពី​សុខភាព​របស់​ខ្លួន និង​ឧស្សាហ៍​ពិនិត្យ​ឈាម​រក​មើល​កម្រិត​ជាតិ​ស្ករ​ខណៈ​អំណះអំណាង​ វិទ្យាសាស្ត្រ​ថ្មី​មួយ​បាន​លើក​ឡើង​ថា

ទទួលទាន​ត្រប់វែង​ផ្តល់​អត្ថប្រយោជន៍​ចំពោះ​សុខភាព​4​ចំណុច

មាន ​ដើម​កំណើត​នៅ​ឥណ្ឌា និង​ត្រូវ​បាន​គេ​យក​មក​ដាំ​ដុះ​ជា​ដំណាំ​កសិកម្ម​ដំបូង​បំផុត​នៅ​ប្រទេស​ ចិន​នា​ដើម​មជ្ឈិមសម័យ ត្រប់វែង​បច្ចុប្បន្ន​ត្រូវ​គេ​ទទួលស្គាល់​ថា ជា​ប្រភេទ​

ទទួលទាន​ប៊័រ 1​ផ្លែ​ក្នុង​មួយ​ថ្ងៃ​ជួយ​បង្ការ​លើស​ខ្លាញ់​កូ​ឡេ​ស្តេ​រ៉ូ​ល

អ្នក ​ស្រាវជ្រាវ​អា​មេ​រិ​កបាន​អះអាង​ថា ការ​ទទួលទាន​ផ្លែ​ប៊័រ​ចំនួន​មួយ​ផ្លែ​ក្នុង​មួយ​ថ្ងៃ អាច​ជួយ​កែ​លម្អ​កម្រិត​ខ្លាញ់​កូ​ឡេ​ស្តេ​រ៉ូ​ល​អាក្រក់ ។ ពួក​គេ​បន្ត​ថា ការ​ទទួលទាន​ជា​ប្រចាំ ផ្លែ​ឈើ​ប្រភេទ​នេះ

ស្វែង​យល់​ពី​អត្ថប្រយោជន៍​សុខភាព​របស់​ផ្លែ​ទុរេន

ទុរេន ​មិន​ខុស​ពី​ផ្លែ​ឈើ​ដទៃ​ទៀត​ក្នុង​តំបន់​ត្រូ​ពិ​ក​តួយ៉ាង​ដូច​ជា ចេក ផ្លែ​ប៊័រ និង​ខ្នុរ នោះ​ទេ គឺ​វា​ផ្ទុក​ទៅ​ដោយ​ថាមពល​សារធាតុ​រ៉ែ​និង​វីតាមីន​ក្នុង​កម្រិត​យ៉ាង​ខ្ពស់ ។ ទុរេន​ស្រស់​១០០​ក្រាម​ផ្ទុក

ព្យាបាល​ជំងឺរបេង​ទទួល​បាន​លទ្ធផល​ជោគជ័យ​តម្រូវ​ឱ្យ​អ្នកជំងឺ​តស៊ូ​អត់ធ្មត់

ដោយ ​មានការ​យកចិត្តទុកដាក់ និង​តាមដាន​យ៉ាង​សកម្ម​ក្នុង​ការ​ព្យាបាល​ជំងឺរបេង​របស់​ក្រសួងសុខាភិបាល​ ធ្វើ​ឱ្យ​ជំងឺរបេង​នៅ​ប្រទេស​កម្ពុជា​សះស្បើយ​មាន​កម្រិត​ខ្ពស់ រហូត​ដល់​ទៅ​៩០% ។ ការ​ព្យាបាល​ជំងឺរបេង

Read More

ក្រុម​ការងារ​វិសោធនកម្ម​ច្បាប់​បោះឆ្នោត​​ជ្រើស​តាំង​​តំណាង​រាស្ត្រ​បន្ត​​ពិភាក្សា​គ្នា​​លើជំពូក១០,១១ និង១២

​បញ្ចូល​អត្ថបទ ៖ ព្រះអាទិត្យ

ថ្ងៃសុក្រ ទី២៧ ខែកុម្ភៈ ឆ្នាំ២០១៥ ម៉ោង ១៥:១៧

រាជធានីភ្នំពេញ ៖ នាវេលាម៉ោងរសៀល​ថ្ងៃទី​២៧ កុម្ភៈ ២០១៥ នេះ នៅ​វិមាន​រដ្ឋសភា ក្រុមការងារ​វិសោធនកម្ម​ច្បាប់បោះឆ្នោត​​ជ្រើស​តាំង​តំណាង​រាស្ត្រ​បន្ត​ ពិភាក្សា​គ្នា​លើជំពូក​ទី១០-និយាយ​អំពី​ទោស​បញ្ញតិ​ ជំពូកទី១១-និយាយ​ពី​អន្តរ​បញ្ញតិ និង​ជំពូកទី១២-​និយាយ​ពី​អវសាន្តបញ្ញតិ ។
ប្រភពបាន​ឱ្យ​ដឹងថា ការ​បន្ត​ពិភាក្សា​គ្នា​លើ​ជំពូក​ទាំង៣​ខាងលើនេះ បន្ទាប់​ពី​ក្រុម​ការងារ​ទាំង២​បាន​ឯក​ភាពគ្នា​ដាក់​ចំណុច​​​ចំនួន​​ដែល​មិន ​ឯក​ភាពគ្នា​ទៅ​ជូន​ថ្នាក់​ដឹកនាំ​ជា​អ្នក​សម្រេច​ កាលពីថ្ងៃទី២៣ កុម្ភៈ កន្លងមក ។
ព័ត៌មាន​លម្អិត​នឹង​ផ្សាយ​ជូន​នៅ​លើ​ទំព័រ​កាសែត​កោះសន្តិភាព

• 


• 

Read More

ក្រុមហ៊ុន Samsung បង្ហាញផលិត ផល បច្ចេកវិជ្ជាទំនើប សម្រាប់ជីវិត ឆ្លាតវៃ ក្នុងពិព័រណ៌ អឡិច ត្រូនិច អាស៊ីអាគ្នេយ៍ 2015

ដូចអ្វីដែលបានរំពឹងទុក ឆ្នាំនេះក្រុមហ៊ុន Samsung Electronics បានរៀបចំពិព័រណ៌ អេឡិចត្រូនិក អាស៊ីអាគ្នេយ៍ 2015  (Samsung SEA FORUM 2015) នៅទីក្រុង បាងកក ប្រទេសថៃ។ ព្រឹត្តិការណ៍ នោះត្រូវបាន ចូលរួមដោយ ភ្ញៀវកិត្តិយស ប្រមាណជាង 2000 អ្នក និងបណ្តា អ្នកសារព័ត៌មាន មកពីប្រទេសចំនួន9 រួមទាំង ប្រទេសកម្ពុជា ផងដែរ ។ គោលបំណងធំ របស់ពិព័រណ៌ ផលិតផល អេឡិចត្រូនិកនេះ គឺដើម្បី ធ្វើការបង្ហាញ ផលិតផល អេឡិចត្រូនិក ឆ្លាតវៃ និងទំនើបចុងក្រោយ បំផុតសម្រាប់ ជីវិតរស់នៅ ប្រចាំថ្ងៃ ក៏ដូចជាពង្រឹង ទីផ្សារក្នុង តំបន់អាស៊ីអាគ្នេយ៍ តាមរយៈ ផលិតផលដែល នឹងត្រូវបញ្ចេញ ក្នុងឆ្នាំ 2015 នេះដោយ រាប់ចាប់ពី ទូរទស្សន៍ SUHD ទំហំ 88 អ៊ីញ ក៏ដូចជា ផលិត ផល ផ្ទះបាយ Chef Collection ទូទឹកកក ម៉ាស៊ីនបោក សម្លៀកបំពាក់ ឧបករណ៍ បំពងសម្លេង ទូរស័ព្ទដៃ រួមនិងកាមេរ៉ាស៊េរីថ្មី NX500 ផងដែរ។


យោងតាមសម្តីរបស់លោក Yong Sung Jeon ប្រធាន និងនាយកប្រតិបត្តិ Samsung Electronics ប្រចាំតំបន់ អាស៊ីអាគ្នេយ៍ និងអូសេអានី បាន ដោយដឹងថា “ ក្រុមហ៊ុន Samsung បន្តបង្កើតបច្ចេក វិជ្ជាច្នៃប្រឌិតថ្មី ដែលធ្វើឲ្យ ពិភពលោក ភ្ញាក់ផ្អើល រៀងរាល់ឆ្នាំ។ ខ្ញុំពិតជាមាន ក្តីរំភើបចំពោះ បណ្តាផលិតផល ថ្មីៗដែលយើង កំពុងនាំមក ជូនអតិថិជន តាមបណ្តា ប្រទេស អាស៊ីអាគ្នេយ៍ និងខ្ញុំមាន ទំនុកចិត្តយ៉ាង ខ្លាំងថា គ្រប់ច្ចេកវិជ្ជា បំពាក់មក ជាមួយបណ្តា ផលិតផល ទំាងនេះប្រាកដជាអាច បំពេញរាល់ តម្រូវការ របស់អតិថិជន។”
ផលិតផលដែលលេចធ្លោ និងគួរឲ្យចាប់អារម្មណ៍ជាងគេក្នុងពិព័រណ៌នោះ មានដូចជា៖
ទូរទស្សន៍ SUHD ផ្តល់រូបភាពកាន់តែលម្អិត និងច្បាស់ឥតខ្ចោះថែមមួយកម្រិតទៀត
Samsung បានដាក់បង្ហាញទូរទស្សន៍ទំហំ 88 អ៊ីញ JS9500  ដែលបំពាក់ដោយបច្ចេកវិជ្ជាផ្ទាល់របស់ Samsung គឺ Eco-friendly nano-crystal ដែលកែពន្លឺ និងពណ៌ រូបភាព ឲ្យដូចពណ៌ ធម្មជាតិពិតៗ និងច្បាស់ជាង ទូរទស្សន៍ធម្មតា រហូតដល់ទៅ 64 ដង ។ ជាមួយបច្ចេក វិជ្ជា ឆ្លាតវៃ SUHD re-mastering engine មានលទ្ធភាព កែសម្រួលពន្លឺ និងធ្វើឲ្យ រូបភាពដិតល្អ ដោយស្វ័យប្រវត្តិ ដើម្បីរូបភាព កាន់តែលម្អិត ច្បាស់ឥត ខ្ចោះក្នុង កម្រិត UHD ក៏ដូចជាគ្មានការរំខាន រឿងបញ្ហាចាំាង ពន្លឺផងដែរ។ ទូរទស្សន៍ SUHD នឹងមានលក់នៅ លើទីផ្សារជា មួយ ជម្រើស 3 ម៉ូឌែល ដូចជា JS9500, JS9000 និង JS8500 ដែលមាន ទំហំចាប់ពី 55 អ៊ីញ រហូតដល់ 88 អ៊ីញ។
ម៉ាស៊ីនបោកសម្លៀកបំពាក់ActivewashTM
ម៉ាស៊ីនបោកសម្លៀកបំពាក់ថ្មី activewashTM  ជាម៉ាស៊ីនសម្លៀកបំពាក់ជំនាន់ថ្មីដែលអាច ធ្វើការផ្លាស់ ប្តូរវិធី បោកជម្រះ សម្លៀកបំពាក់ របស់លោក អ្នកជាមួយមុខងារ 2 យ៉ាង។ ម៉ាស៊ីនបោក សម្លៀកបំបាក់ នេះភ្ជាប់មក ជាមួយឡាបូ ដែលអនុញ្ញាត ឲ្យអ្នកធ្វើការ ដុសជម្រះ ដោយផ្ទាល់លើ ផ្នែកប្រឡាក់ខ្លាំង មុនពេល ដាក់ទៅក្នុងម៉ាស៊ីនបោក សម្លៀកបំពាក់។ ម៉ាស៊ីនបោក សម្លៀកបំពាក់នេះ ពិតជាឆ្លាតវៃ ដែលអាច ជម្រះស្នាម ប្រឡាក់ខ្លំាង បានងាយ តាមរយៈ បច្ចេកវិជ្ជា កាំរស្មី ដែលធ្វើឲ្យការបោកគក់ បានស្អាតល្អ និងចំណាយ ពេលខ្លី។
ក្រៅពីនេះ Samsung ក៏បានបង្ហាញទូរស័ព្ទ Galaxy A ដែលជាស៊េរីទូរស័ព្ទកាលីប សម្រាប់ យុវវ័យ និងមានរាង ស្តើងបំផុត។  ចំពោះស្រ្តីមេផ្ទះ ពិតជាពេញចិត្តទទួលយក ជំនួយការ ចុងភៅ ដ៏ជំនាញតាម រយៈឈុត ផ្ទះបាយ Chef Collection។ មិនតែ ប៉ុណ្ណោះ កាមេរ៉ា Samsung NX500 ប្រាកដជា ធ្វើឲ្យលោក អ្នករីករាយក្នុង ការផ្តិតយក រូបថត និងវីដេអូក្នុងកម្រិត 4K និង UHD។ ពិសេស ជាងនេះទៅទៀត លោកអ្នក ប្រាកដជាពេញចិត្ត ជាមួយផលិត ផលតន្រ្តី New Premium Audio។



អំពីក្រុមហ៊ុន Samsung Electronics co., Ltd
គឺជាក្រុមហ៊ុននាំមុខគេលើពិភពលោកផ្នែកបច្ចេកវិជ្ជាដោយផ្តល់លទ្ធភាពថ្មីៗជូនមនុស្សគ្រប់រូបគ្រប់ទី កន្លែង។ តាមរយៈ ការបង្កើតថ្មី និងរបកគំហើញ ឥតឈប់ឈរ យើងកំពុងតែ ផ្លាស់ប្តូរ ឲ្យកាន់ តែប្រសើរ ឡើងនូវពិភព ទូរទស្សន៍ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ផ្ទះបាយ ម៉ាស៊ីនថតចម្លង ប្រព័ន្ធ⁣ LTE ឧបករណ៍វេជ្ជសាស្ត្រ ឧបករណ៍ផ្សេងៗ ប្រើប្រព័ន្ធ អគ្គិសនី និងដំណោះ ស្រាយផ្សេងៗ ប្រើប្រព័ន្ធ  LED។ យើង មានបុគ្គលិក ចំនួន 286.000 នាក់ នៅទូទំាង 80 ប្រទេស ដោយមានបរិមាណ លក់ប្រចាំឆ្នាំ ចំនួន 216.7 ពាន់លានដុល្លារអាមេរិក។
from khmerload

Read More

ជិះកង់ ៥ឆ្នាំ ជុំវិញពិភពលោក ដើម្បីបំបែកឯតទគ្គកម្មពិភពលោក បែរជា ត្រូវស្លាប់ដោយសារ គ្រោះថ្នាក់ ចរាចរណ៍

ថៃ៖ អ្នកជិះកង់ ជនជាតិឈីលីម្នាក់ មានបំណងចង់បំបែក កំណត់ត្រាពិភពលោក ពេលនេះ ក្តីរំពឹងត្រូវចប់សព្វគ្រប់ បន្ទាប់ពីគាត់ត្រូវរថយន្តបុកស្លាប់ នៅក្នុងប្រទេស ថៃ កាលពីសប្តាហ៍មុន។

រូបភាពមុន និងក្រោយពេលកើតហេតុ
លោក Juan Francisco Guillermo ប៉ុនប៉ង ជិះកង់ក្នុងចំងាយផ្លូវ ២៥០,០០០ គីឡូម៉ែត្រ ជុំវិញពិភពលោក ក្នុងរយៈពេល៥ឆ្នាំ។ បុរសវ័យ ៤៧ឆ្នាំ រូបនេះ បានចាប់ផ្តើម ការជិះកង់ តាំងពីខែវិច្ឆិកា ឆ្នាំ ២០១០ ហើយគ្រោងនឹង បញ្ចប់នៅប្រទេសអូស្ត្រាលី ក្នុងខែវិចិ្ឆកា ឆ្នាំ ២០១៥នេះ។ យោងតាមសារព័ត៌មានក្នុងប្រទេសថៃ បានផ្សាយថា គ្រោះថ្នាក់បានកើតឡើង នៅពេលដែលបុរសរងគ្រោះ រួមទាំងប្រពន្ធ និងកូន បានឈប់សំរាក នៅប៉ុស្តិ៍ត្រួតពិនិត្យរបស់ប៉ូលិស មួយកន្លែង។ ខណៈដែល លោក Guillermo រៀបចេញដំណើរវិញ ស្រាប់តែមានរថយន្តប្រភេទភីកអាប់ (pickup) មួយគ្រឿង ដែលបើកក្នុងល្បឿន យ៉ាងលឿនមកបុក ធ្វើឲ្យគាត់ខ្ទាតចេញពីកង់ ហើយស្លាប់ភ្លាមៗ នៅនឹងកន្លែងតែម្តង។ ចំណែកឯ រថយន្តភីកអាប់ វិញ បានក្រឡាប់ ធ្លាក់ចូលទៅ ប្រឡាយក្បែរផ្លូវ ប៉ុន្តែអ្នកបើកបរ មិនបានរងរបួសអ្វីនោះទេ។
ប្រភពព័ត៌មានមួយ បានឲ្យដឹងថា ប្រពន្ធ និងកូនរបស់លោក Guillermo គឺស្ថិតលើកង់មួយផ្សេងទៀត នៅកំឡុងពេលគ្រោះថ្នាក់ តែយ៉ាង ណាមិញ អ្នកស្រី Ng ជាប្រពន្ធ បានរងរបួសបាក់ជើងឆ្វេង ចំនែកកូនរបស់គាត់ក៏ រងរបួសស្រាលផងដែរ។ បើតាមប៉ូលិសអះអាងថា គ្រោះថ្នាក់កើតឡើង ដោយសារតែ ភាពខ្វះការប្រុងប្រយ័ត្នរបស់ អ្នកបើកបររថយន្ត ព្រោះផ្លូវនៅទីនោះ គឺជាផ្លូវត្រង់ ហើយអ្នកជិះកង់គឺជិះ នៅលើចំណែកផ្លូវរបស់គេ ប៉ុណ្ណោះ។

លោក Guillermo និងប្រពន្ធកូន
គួរបញ្ជាក់ផងដែរថា ម្ចាស់រថយន្តបង្កហេតុឈ្មោះ Tiwarat Ratchaipidet អាយុ៤៧ ឆ្នាំ ត្រូវបានចាប់ខ្លួនពីបទ បង្កឲ្យមានមនុស្សស្លាប់ ដោយសារ ការបើកបរមិនប្រុងប្រយ័ត្ន។ ជនបង្កអាចនឹងត្រូវជាប់ ពន្ធនាគារលើសពី ១០ ឆ្នាំ ប្រសិនបើ រកឃើញថា មានទោសមែននោះ៕

លោក Guillermo ប៉ុនប៉ងជិះកង់ ចំងាយផ្លូវ ២៥០,០០០ គីឡូម៉ែត្រ ជុំវិញពិភពលោក ក្នុងពេល៥ឆ្នាំ


រថយន្តបង្កហេតុ ក្រឡាប់ធ្លាក់ក្បែរផ្លូវ តែម្ចាស់រថយន្ត មិនមានរងរបួសនោះទេ


គ្រោះថ្នាក់នេះធ្វើឲ្យលោក Guillermo ស្លាប់ រីឯប្រពន្ធបាក់ជើង និងកូនរបស់គាត់រងរបួសស្រាល
ប្រភព៖ បរទេស
ដោយ៖ Roth
ខ្មែរឡូត

Read More

អត្ថប្រយោជន៍ ទាំង៥យ៉ាង របស់ស្រាបៀរ ជួយដោះស្រាយ បញ្ហាមួយចំនួន លើសក់អ្នកបាន

ភាគច្រើន គេតែងយកស្រាបៀរ មកពិសារ ដើម្បីអបអរក្នុងពិធី រឺក៏ ជប់លៀងជាមួយ មិត្តភក្កិ និងក្រុម គ្រួសារ ប៉ុន្តែតើអ្នក ដែរដឹងទេថា ស្រាបៀរ ក៏មានប្រយោជន៍ ចំពោះសក់របស់អ្នក បានយ៉ាង ល្អផងដែរ៖
១) ជំនួយដល់ សុខភាពសក់៖ ស្រាបៀរ ផ្ទុកជាមួយវីតាមីនជាច្រើន និងសារធាតុល្អៗ មួយចំនួនទៀត ដែលអាចជួយ ពង្រឹងសរសៃសក់ ឲ្យរឹងមាំ បានល្អ។ ជាពិសេស វាក៏អាចធ្វើឲ្យ សរសៃសក់របស់អ្នក មានទម្ងន់ និងសុខភាពល្អ ជាងផលិតផលគីមីផ្សេងៗ  ដែលអ្នកកំពុងប្រើ ទៅទៀត។
២) ជួយឲ្យសក់ទន់៖  ចំពោះស្រាបៀរ ជួយលាងសម្អាត កាកសំនល់កខ្វក់ ដែលជាប់សក់ ឲ្យស្អាត ល្អបាន។ មិនតែប៉ុណ្ណោះ ស្រាបៀរ ក៏បានដើរ តួនាទី យ៉ាងសំខាន់ ក្នុងការជួយបន្ទន់ សក់របស់អ្នក ឲ្យរលាស់ល្អ ទន់ និងមានពន្លឺផងដែរ។
៣) ជួសជុលបញ្ហាសក់ស្ងួត និងសក់ខូច៖ ជាតិប្រូតេអ៊ីន ដែលមានក្នុងស្រាបៀរ អាចជួយ ជួសជុលសក់ខូច ស្ងួត ឲ្យត្រឡប់ជា សក់ល្អ ស្អាត វិញ។ ជាពិសេស បញ្ហាសក់បែកចុង ក៏ស្រាបៀរ អាចជួយបានដែរ ប៉ុន្តែត្រូវចងចាំថា បញ្ហាបែកចុង គឺកើតឡើងមក ពីមូលហេតុ ច្រើនយ៉ាង ដូច្នេះ អ្នកក៏គួរតែ ពិសារទឹកឲ្យ បានច្រើន និង បរិភោគអាហារ ឲ្យបានគ្រប់គ្រាន់ ទើបអាចជួយការពារ បញ្ហាបែកចុងបានមួយ កម្រិតទៀត។
៤) ជួយលាងសម្អាត ជាតិគីមី ជាប់សរសៃសក់៖ ដូចអ្នក បានដឹងស្រាប់ហើយថា សាប៊ូកក់សក់ មួយចំនួនគឺផ្ទុក សារជាតិគីមី ដែលពេលខ្លះ ក៏អាចប៉ះពាល់ ដល់សរសៃសក់ របស់អ្នក បានផងដែរ ប៉ុន្តែអ្នកកុំបារម្ភ ស្រាបៀរ អាចដោះស្រាយ បញ្ហានេះបាន ពីព្រោះ វាអាចជួយ លាងសម្អាត ជាតីគីមី បានយ៉ាងល្អ ដែលជាប់សសៃសក់។ វិធីអនុវត្ត៖ យកទឹកខ្មេះ ដែលផ្សំពី ផ្លែប៉ោម(Apple Cider Vinegar) និងចាក់ស្រាបៀរបន្តិច ចូលក្នុងចាន រួចកូរឲ្យសព្វ បន្ទាប់មក ញីសរសៃសក់ ឲ្យបានយូរ ចុងក្រោយ លាងទឹកចេញ ជាការស្រេច។
៥) ជាអ្នកលាងសម្អាត បញ្ហាអង្គែ៖ ស្រាបៀរ មិនត្រឹមតែជួយ ឲ្យសក់ទន់ ប៉ុណ្ណោះទេ ថែមទាំង ជាអ្នក សម្អាត បញ្ហាអង្គែបានទៀត។ វិធីអនុវត្ត៖ យកស្រាបៀរបន្តិច ចាក់លើសក់ បន្ទាប់មកញី ឲ្យបាន សព្វ ទុករយៈពេល១ ទៅ២ ម៉ោង មុននឹងអ្នក លាងសម្អាត ជាមួយនឹងទឹកធម្មតា។ ចំពោះស្រាបៀរ អាច ជួយ កាត់បន្ថយបញ្ហាអង្គែ ដែលកើតលើ ក្បាលរបស់អ្នកបាន យ៉ាងល្អ។
ទាំងនេះជា អត្ថប្រយោជន៍ របស់ស្រាបៀរ លើសរសៃសក់របស់អ្នក ដូច្នេះអ្នក ក៏អាចអនុវត្តបាន នៅផ្ទះផងដែរ ដើម្បីធ្វើឲ្យសក់របស់អ្នក កាន់តែ ទន់រលោង ទ្វេរមួយកម្រិតទៀត៕

ប្រភព magforwoman
ដោយ៖ កា
ខ្មែរឡូត

Read More

ឆយី ស្ទើរតែក្លាយ ជាមនុស្ស​ឆ្កួត ពេល​ប្រុស​ជាទី​ ស្រឡាញ់​ក្បត់

 from khmer load
ភ្នំពេញ៖ ជាទូទៅទស្សនិកជន ធ្លាប់តែបានឃើញ តារាសម្តែងស្រី សិចស៊ី សម្បូរសាច់ ដើមទ្រូង ទ្រលុកទ្រលន់ អ្នកនាង ឆយី បង្ហាញភាពសប្បាយ រីករាយ រស់នៅយ៉ាងហ៊ឺហារ ស៊ីវិល័យ និងមានកន្លង់ ជាច្រើនហិចហើរ តាមក្រេបលំអង ប៉ុនប៉ងធ្វើជា ម្ចាស់ស្នេហ៍ ប៉ុន្តែនៅពីក្រោយខ្នង នៃភាពសប្បាយរីករាយ នោះទស្សនិកជន មិនធ្លាប់បានដឹងទេ ថាតារាស្រីរូប នេះធ្លាប់បាន ពើបប្រទះ ការឈឺចាប់ ស្នេហា ខកបំណងច្រើន ប៉ុណ្ណានោះឡើយ ។
តារាស្រីសិចស៊ី ចូលចិត្តតុបតែង ខ្លួនបែបលេចលើ ចំហរក្រោម អ្នកនាង ឆយី បានចេញមុខ រៀបរាប់ដោយបើកចំហរ ជាសាធារណៈ នៅលើកញ្ចក់ ទូរទស្សន៍ ក្នុងកម្មវិធីមួយ កាលពីពេលថ្មីៗ កន្លងទៅនេះ ដោយនាងបាន ជីកកកាយពី អតីតកាល ឈឺចាប់ថា នាងធ្លាប់ជួប ស្នេហាច្រើនណាស់ ប៉ុន្តែក្លាយទៅ ជាមនុស្សស្រី អភ័ព្វស្នេហ៍ ម្តងជាពីរដង។
ជាក់ស្ដែង កាលពីប៉ុន្មាន ឆ្នាំមុននាង ធ្លាប់មានស្នាមដំបៅ ឈឺចាប់មួយ ដោយសារតែស្នេហា ខកបំណងធ្វើឲ្យនាង ស្ទើរតែសម្លាប់ ខ្លួនដោយសារតែ រឿងនេះទៀតផង ។
តារាស្រីធ្មេញជំពើស សាច់សររូបនេះ បានបន្តទាំង សំឡេងអួល ដើមកថា « កាលពីប៉ុន្មានឆ្នាំ មុនខ្ញុំធ្លាប់ជួបរឿង ស្នេហាខកបំណង ឈឺចាប់មួយ ដោយខ្ញុំត្រូវបាន មនុស្សជាទី ស្រលាញ់២នាក់ បោកប្រាស់ខ្ញុំ ដោយម្នាក់ជាមិត្តភក្តិ ជិតដិតខ្ញុំ ស្រលាញ់ខ្លាំង ហើយម្នាក់ទៀត ជាស្វាមីខ្ញុំ ពួកយើងរស់នៅ ជាមួយគ្នាមិនបាន រៀបការឡើយ ខ្ញុំស្រលាញ់ ពួកគេទាំងពីរ នាក់ខ្លាំងណាស់ ខ្ញុំស្ទើរតែមិនជឿ ទេថាពួកគេ ទាំងពីរនាក់ នាំគ្នាក្បត់ខ្ញុំ ទាំងភ្នែកស្រស់ បែបនេះឡើយ»។
តារាសម្តែង និងជាតារាចម្រៀង អ្នកនាង ឆយី បានប្រាប់ឲ្យដឹង បន្ថែមទៀតថា នៅពេលដែល នាងដឹងរឿងនេះមាន អារម្មណ៍ថាឈឺចាប់ គ្មានអ្វីដែល ឈឺជាងមនុស្ស ជាទីស្រលាញ់ ២នាក់ក្បត់ ប្រៀបដូចជាយក កាំបិតមកចាក់ដោត បេះដូងនាង ដូចជាមនុស្ស ឆ្កួតទៅហើយ ។
តារារូបនេះ បានប្រាប់ឲ្យ ដឹងទៀតថា «ឆាកជីវិតខ្ញុំ មានតែបទពិសោធន៍ បរាជ័យច្រើន ហើយកន្លងមក ខ្ញុំក៏ធ្លាប់ត្រូវ បានភាគីខាង អតីតមិត្តភក្តិប្តឹង ឡើងតុលាការ ច្រើនដងទៀត។ មេរៀនកន្លងមកពិតជា ធ្វើឲ្យខ្ញុំឈឺចាប់ខ្លាំង ប៉ុន្តែខ្ញុំ ចាត់ទុកថា ការឈឺនោះ ជាបទពិសោធន៍ ដែលឲ្យ ខ្ញុំតស៊ូមករហូត ដល់ពេលនេះ ..!»៕




ផ្តល់សិទ្ធដោយ ដើមអម្ពិល

Read More

អតីត​តារា​ សម្តែង និង​អ្នកដឹក នាំ​រឿង​ លោក​ជុំ វណ្ណ​សន ទទួល មរណភាព ​ក្នុង​វ័យ​71​ឆ្នាំ

from khmerload៖រាជធានីភ្នំពេញ ៖ អតីតតារាសម្តែង និងជាអ្នកដឹកនាំរឿង ជើងចាស់លោកជុំ វណ្ណសន ហៅហាក់ ហាន បានទទួលមរណភាព កាលពីព្រឹកថ្ងៃទី១៨ ខែកុម្ភៈ ឆ្នាំ២០១៥ ដោយរោគារពាធ ក្នុងអាយុ៧១ឆ្នាំ ។

សពរបស់លោកជុំ វណ្ណសន ត្រូវក្រុមគ្រួសារតម្កល់ ធ្វើបុណ្យនៅផ្ទះលេខ៣៣Eo សង្កាត់ជ័យជំនះ ខណ្ឌដូនពេញ រាជធានីភ្នំពេញហើយបើតាមការគ្រោងទុក សពនឹងត្រូវគ្រួសារដង្ហែយកទៅបញ្ចុះ នៅដីឡូត៍មួយនាខេត្តកំពង់ស្ពឺ នៅថ្ងៃអាទិត្យ ទី២២ ខែកុម្ភៈ ឆ្នាំ២០១៥ ។

លោកសុវណ្ណ ភក្តី ជាកូនប្រុសរបស់លោកជុំ វណ្ណសន ប្រាប់កោះសន្តិភាពតាមទូរស័ព្ទថា លោកជុំ វណ្ណសនធ្លាក់ខ្លួន ឈឺដោយសារជំងឺជាច្រើនមុខជា ច្រើនឆ្នាំមកហើយ ប៉ុន្តែអាការជំងឺធ្លាក់ក្នុង ដំណាក់កាលធ្ងន់ត្រឹមតែ មួយរយៈខ្លីចុងក្រោយនេះ។ លោកជុំ វណ្ណសន ឈឺធ្ងន់ បន្ទាប់ពីត្រឡប់ មកពីព្យាបាលនៅប្រទេសចិន រយៈពេលជាង១ខែ ហើយមុនទទួលមរណភាព លោកបានក្អកធ្លាក់ឈាម ហើយក្រុមគ្រួសារបានបញ្ជូនទៅ ព្យាបាលនៅមន្ទីរពេទ្យកាល់ម៉ែត ។

ដោយសារតែមាន ជំងឺជាច្រើនមុខបូករួមទាំងមានជំងឺក្រពះ និងពោះវៀនធ្ងន់មិនអាច ទទួលទានអ្វីបានផងនោះ លោកជុំ វណ្ណសន ទទួល មរណនៅថ្ងៃទី១៨ ខែកុម្ភៈ ឆ្នាំ២០១៥ ។

បើតាមការបញ្ជាក់ ពីលោកសុវណ្ណ ភក្តី អំឡុងពេលឪពុករបស់លោក ប្រឡូកក្នុងវិស័យសិល្បៈ គឺបានទទួលប័ណ្ណសរសើរ និងមេដាយជាបន្តបន្ទាប់ពីព្រះមហាវីរក្សត្រ និងពីក្របខណ្ឌក្រសួងវប្បធម៌ និងវិចិត្រសិល្បៈ ដោយសារតែឪពុករបស់ លោកបានចូលប្រឡូក ក្នុងវិស័យនេះតាំងពីឆ្នាំ១៩៨៣មកម្ល៉េះ ។

មានខ្សែភាពយន្តជាច្រើន រឿងដែលឪពុករបស់លោក ភក្តីបានចូលរួមសម្តែង ប៉ុន្តែចាំមិនអស់ឡើយ គឺនៅចាំខ្លះៗប៉ុណ្ណោះដូចជា រឿង «ចិត្តចងចាំ» រឿង«យំមួយពាន់ដង» «នរក៩ជាន់» រឿង «ព្រះបាទលំពង្សរាជា»(តួស្តេច) និងចូលរួមសម្តែង ក្នុងខ្សែភាពយន្តជាបន្តបន្ទាប់ថ្វាយ ព្រះមហាវីរក្សត្រនរោត្តម សីហនុ ។

អ្នកនិយមទស្សនា ខ្សែភាពយន្តខ្មែរនា អំឡុងទសវត្សឆ្នាំ៨០ និង៩០ ប្រាកដជាបានស្គាល់ យ៉ាងច្បាស់តារាសម្តែងលោកជុំ វណ្ណសន ដែលច្រើនដើរតួជាឪពុក ។ វត្តមានសម្តែងរបស់ លោកវណ្ណសន នៅតែមានបន្ត បន្ទាប់ក្នុងរយៈពេល ប៉ុន្មានឆ្នាំចុងក្រោយនេះ តួយ៉ាងដូចជា សម្តែងជា តួអង្គស្តេចក្នុងរឿង «ព្រះបាទលំពង្សរាជា» ជាដើម ហើយលោកក៏ជា គ្រូបង្ហាត់សម្តែងដល់អ្នកជំនាន់ ក្រោយផងដែរ ។

លោកជុំ វណ្ណសន មានស្រុកកំណើត នៅស្រុកស្រីសន្ធរ ខេត្តកំពង់ចាម និងមានកូន៩នាក់ ក្នុងនោះកូនស្រីម្នាក់ របស់លោកជាអ្នករបាំបុរាណ ៕

ផ្តល់សិទ្ធដោយ កោះសន្តិភាព

Read More

សកម្មភាព ទាំង ១៥ យ៉ាង ដែលអ្នកគួរធ្វើ​ ជាប្រចាំ ដើម្បីឲ្យជីវិត មានន័យ និង សុភមង្គល

from khmerloa

ពិតណាស់ មនុស្សគ្រប់រូបសុទ្ធតែ ចង់រស់នៅមានក្ដីសុខ និង រីករាយ ។ ដើម្បីឲ្យជីវិតរបស់អ្នក ប្រកបដោយ ភាពរីករាយនោះ អ្នកត្រូវតែចេះរៀបចំនូវការរស់នៅ ប្រចាំថ្ងៃ របស់អ្នក ឲ្យបានល្អ ជាមុនសិន ជាមួយគ្នានេះ មានអត្ថបទមួយ ដែលរៀបរាប់ពី ចំនុចសំខាន់ ដែលយើងគួរតែ ធ្វើជាប្រចាំ ដើម្បីឲ្យជីវិតរស់នៅ ពោរពេញដោយសេចក្ដីសុខ ។ 

១. លំហាត់ប្រាណ ÷ ជាការពិត ការធ្វើលំហាត់ប្រាណជា មធ្យោបាយមួយដែលល្អបំផុតដែល ជួយឲ្យអ្នកមាន អារម្មណ៏រីករាយ ។ ការធ្វើលំហាត់ប្រាណជាប្រចាំ មិនមែនមានន័យថា អ្នកត្រូវទៅកន្លែង ហាត់ប្រាណរហូតនោះទេ អ្នកអាចហាត់នៅផ្ទះក៏បាន ។ អ្នកគួរតែភ្ញាក់ ពីគេង នៅពេលព្រលឹម ដើម្បីធ្វើ លំហាត់ប្រាណ ដែលជួយឲ្យអ្នក មានអារម្មណ៍ស្រស់ស្រាយ  ពេញមួយថ្ងៃ។

២. ការអរគុណ ÷ វាគឺ ជាពាក្យ គួរសម ដែលយើងគួរតែប្រើ នៅពេលដែល នរណាម្នាក់ បានជួយអ្នក ឬ ធ្វើការឲ្យអ្នក ដែលគួរតែនិយាយពាក្យ អរគុណទៅកាន់ពួកគេ ។ ជាពិសេស ការដឹងគុណ មានសារ:សំខាន់ណាស់ នៅក្នុងជីវិត រស់នៅប្រចាំថ្ងៃ ហើយការធ្វើដូច្នេះ នឹងធ្វើឲ្យអ្នកមានអ្នក ស្រលាញ់ និង ចូលចិត្តច្រើន ។

៣. សាកល្បងអ្វីដែលថ្មី ÷ វាមិនមែនមានន័យថា អ្នកត្រូវតែយកឈ្នះ ពិភពលោកនោះទេ ។ អ្នកគួរតែ សាកល្បងនូវរឿង ធម្មតាដែលអ្នកមិនធ្លាប់បានធ្វើពីមុនមក ដូចជា ការភ្លក់នូវម្ហូប ដែលមានរសជាតិថ្មី ឬ ការចំអិនអាហារ ជាដើម -ល-។

៤. ផ្លាស់ប្ដូរទម្លាប់អាក្រក់ ÷ ប្រាកដណាស់ មនុស្សម្នាក់ៗ តែងតែមាន ទម្លាប់របស់ខ្លួន ដែលជាទម្លាប់ល្អ និង អាក្រក់ ។ ដូច្នេះអ្នកគួរតែ ស្វែងរកនូវទម្លាប់ អាក្រក់របស់អ្នក ហើយកែប្រែវាចេញ នោះនឹងទទួលបាន នូវលទ្ធផលដ៏ល្អ បន្ទាប់ពីបានកែប្រែ ។

៥. ធ្វើរឿង ដែលអ្នកចូលចិត្ត ÷ ជាមួយគ្នានេះ អ្នកគួរតែធ្វើ នូវរឿងដែលអ្នកចូលចិត្ត ជារៀងរាល់ថ្ងៃ ពីព្រោះវា ធ្វើឲ្យអ្នកមានសេចក្ដីសុខ ជាមួយនឹងអ្វី ដែលអ្នកបានធ្វើ ។

៦. ការអភ័យទោស ÷ ប្រសិនបើមាននរណាម្នាក់ ធ្វើអ្វីខុសអ្នកគួរតែអត់អោន និង អភ័យទោសដល់គេ ពីព្រោះមនុស្សសុទ្ធតែធ្លាប់ខុស នៅពេលដែលអ្នកអត់ទោសឲ្យ នរណាម្នាក់បាន អ្នកក៏អាចទទួលយកនូវកំហុសរបស់ខ្លួនបានដែរ ធ្វើបែបនេះ នឹងជួយឲ្យអ្នករស់នៅបានជាមួយភាពស្ងប់ស្ងាត់ ។

៧. ញញឹម ÷ ស្នាមញញឹម គឺជាអាវុធដែលប្រឆាំងជាមួយនឹងបញ្ហាផ្សេងៗ ។ មិនថាស្ថានភាពបែបណា អ្នកគួរតែញញឹម ដើម្បីផ្ដល់កម្លាំងចិត្តដល់ខ្លួនឯង ដែលជួយឲ្យអ្នកក្លាយ ទៅជាមនុស្សក្លាហាន និង រឹងមាំ ។ ពីព្រោះការ កើតទុក្ខ មិនបានជួយបំបាត់ ទុក្ខសោក បាននោះទេ មានតែស្នាមញញឹមទេ ដែលអាចជួយឲ្យអ្នក បំភ្លេចនូវរឿង ដែលមិនសប្បាយចិត្តបាន ។

៨. យកចិត្តទុកដាក់ ចំពោះអ្នកនៅជុំវិញខ្លួន ÷ ការយកចិត្តទុកដាក់ គឺជារឿងមួយ ដែលអ្នកគួរតែទទួលបាន ពីអ្នកគ្រប់គ្នា ។ ប្រសិនបើអ្នក យកចិត្តទុកដាក់ ចំពោះអ្នកដ៏ទៃ គេនឹងយកចិត្ត ទុកដាក់ ចំពោះអ្នកវិញដូចគ្នា អ្នកគួរតែយក ចិត្តទុកដាក់ ស្ដាប់អ្នកដែលនូវជុំវិញខ្លួន បើទោះបីជាអ្នកមិនអាចធ្វើអ្វីបាន ប៉ុន្តែអ្នកបានស្ដាប់ ដោយការយកចិត្តទុកដាក់ ការធ្វើបែបនេះនឹងជួយឲ្យ អ្នករស់នៅដោយរីករាយ ។

៩. ធ្វើអ្វីមួយ សម្រាប់អ្នកដ៏ទៃ ÷ ការសរសើរ និង ឲ្យតម្លៃ លើអ្នកដ៏ទៃក៏អាច ជួយឲ្យពួកគេមាន អារម្មណ៍ល្អផងដែរ ថែមទាំង ធ្វើឲ្យអ្នក មានភាពសុខសាន្ត ។ ជាមួយគ្នានេះ  អ្នកនឹងមានអារម្មណ៍ ថាមាន មោទណ:ភាព នៅពេលដែលអ្នក អាចជួយនរណាម្នាក់ ឲ្យធ្វើការ សំរចបានជោគជ័យ ។

១០. បើកចិត្តឲ្យទូលាយ ÷ អ្នកមិនគួរ លាក់បាំង នូវគំនិត និង រឿងរ៉ាវ ដែលនៅក្នុងចិត្ត ម្នាក់ឯងនោះទេ ។ អ្នកត្រូវតែ រៀនបើកចិត្ត ដល់អ្នកដ៏ទៃ និង បង្ហាញឲ្យពួកគេ បានដឹង ពីសុភមង្គល ឬ ទុក្ខសោកដែល អ្នកជួបប្រទះ ។ ដូច្នេះហើយ ពេលខ្លះ អ្នកគួរតែអនុញ្ញាត ឲ្យពួកគេបានដឹង ដែលអាចជួយឲ្យ អ្នក មានអារម្មណ៍ ប្រសើរជាងមុន ។

១១. ថែរក្សាខ្លួនឯង ÷ ជារៀងរាល់ថ្ងៃ អ្នកត្រូវតែយកចិត្តទុកដាក់រក្សា និង ចិញ្ចឹមជីវិតខ្លួនឯង ហេតុនេះហើយ អ្នកគួរតែទទួលទានអាហារណា ដែលផ្ដល់ថាមពល និង មានប្រយោជន៍ ចំពោះសុខភាពអ្នក ។ លើសពីនេះ អ្នកក៏គួរតែ បង្កើតនូវឆន្ទ: ដើម្បីពង្រឹង នូវសមត្ថភាពរបស់ខ្លួន ។ 

១២. ការអាន ÷ នេះគឺ ជាទម្លាប់ដ៏ល្អមួយ ដែលជួយអ្នក បង្កើននូវចំនេះដឹង បានមួយកម្រិតទៀត ពីព្រោះ នៅពេលដែល អ្នកបានអានច្រើន អ្នកនឹងបានទទួល នូវចំនេះដឹង ច្រើនជាងមុន ។ មិនថាអាន សៀវភៅ ទស្សនាវដ្ដី កាសែត ឬ កម្រងអត្ថបទផ្សេងៗ សុទ្ធតែមានប្រយោជន៍ចំពោះអ្នក ។

១៣. ជឿជាក់លើខ្លួនឯង ÷ អ្នកគួរតែរៀន ជឿជាក់លើខ្លួនឯង នោះអ្នកនឹងទទួលបាន ជោគជ័យក្នុងជីវិត ។ ជាងនោះទៅទៀត អ្នកគួរតែ មានទំនុកចិត្តលើការងារ និង គំនិតរបស់អ្នក ហើយជឿថា អ្នកនឹងអាច ធ្វើវាបានប្រសើរ ។

១៤. ចាកចេញ ពីភាពឈឺចាប់ ÷ បើសិនជា អ្នកជួបប្រទះ នូវភាពឈឺចាប់ អ្នកត្រូវគិតថា មានមនុស្សច្រើន នាក់ណាស់ ដែលជួបប្រទះនូវការឈឺចាប់នេះ មិនមែនមានតែ អ្នកមួយនោះទេ ។ ដូច្នេះអ្នកត្រូវរៀន ចាកចេញពីភាព ទុក្ខសោកនេះ ហើយនៅទីបំផុត អ្នកក៏អាចចាកចេញ ពីភាពឈឺចាប់បាន ។ បើសិនជា អ្នកអាចធ្វើបែបនេះ បាននោះ ភាពឈឺចាប់ នឹងមិនអាចចូលមក ក្នុងជីវិតរបស់អ្នកបានទេ ។

១៥. កំណត់ត្រាប្រចាំថ្ងៃ ÷  រៀងរាល់មុនចូលគេង អ្នកគួរតែធ្វើកំណត់ត្រា សម្រាប់ថ្ងៃស្អែក ថាអ្នកត្រូវធ្វើអ្វីខ្លះ ឬ កត់ត្រា នូវអ្វីដែលអ្នកបានធ្វើរួចហើយ ក្នុងថ្ងៃនេះ។ ការធ្វើដូចនេះ នឹងធ្វើឲ្យ អ្នកអាចរកឃើញ នូវចំនុចខុសឆ្គង បន្ទាប់មក កែប្រែវា នៅពេលក្រោយ ។ 

ប្រភព ÷ បរទេស 

ដោយ ÷ ដាលីស

ខ្មែរឡូត

Read More