រីករាយថ្ងៃបុណ្យលោកឪពុកបូស្កូ

លោកឪពុក បូស្កូ គឺជា​ បិតា ជាមិត្ត និងជាគ្រូរបស់យុវជនទាំងអស់គ្នា។លោកតែងតែយកចិត្តទុកដាក់លើយុវជនក្រីក្រ យុវជនដែលគ្មានទីពឹងអោយទទួលបានការពារការផ្ដល់អាហារទៅដល់ពួកគេទាំងអស់គ្នា។គាត់ជាមនុស្សម្នាក់ដែលមានពន្លឺចែងចាំងដល់កូនៗទាំងអស់គ្នាគ្មាននរណាអាចប្រៀបផ្ទឹមនឹងលោកបានទេ។លោកមានភាពអត់ធ្មត់ព្យាយាមជំនះគ្រប់ឧបស្គទាំងអស់គ្មានក្លាយអ្វីសោះឡើយ។ដោយហេតុដូចនេះហើយទើបយុវជនទាំងអស់តែងតែប្រារព្ធកម្មវិធីមួយដើម្បីរំលឹកដល់ថ្ងៃដែលលោកអស់ជីវិតលើលោកយើងនេះទៅ។

សាលាបច្ចេកទេសដុន បូស្កូ​ ខេត្តព្រះសីហនុនៅថ្ងៃសុក្រ ទី២៩ ខែ មករាឆ្នាំ២០១៦​នា

ព្រឹកមិញនេះបានប្រារព្ធកម្មវិធីមួយយ៉ាងអធឹកអធមដែលប្រព្រឹត្តទៅចាប់តាំងពីម៉ោង ០៧:៣០​ រហូតដល់វេលាម៉ោង០៣:៥០។ទន្ទឹមនឹងចាប់ផ្ដើមកម្មវិធីនេះក្នុងកំឡុងពេលប្រាំបួនថ្ងៃមុន ជារៀងរាល់ព្រឹកគឺមានការអាននូវប្រវត្ថិសង្ខេបរបស់លោកឪពុកបូស្កូ ដែលអានដោយសិស្សានុសិស្សផ្ទាល់តែម្ដង ជាពិសេសនោះទៅទៀតក្រោយពេលអាននូវប្រវត្ថិសង្ខេបចប់ក៏មានការសួរនឹងឆ្លើយនូវសំនួរផងរវាងលោកគ្រូនិងសិស្សានុសិស្សផងដែរ ហើយមិនត្រឹមតែអាននោះទេក៏មានចាក់បញ្ចាំងរឿងលោកឪពុក យូហានបូស្កូ អោយទៅសិស្សានុសិស្សទស្សនាផងដែរ។ក្រោយអាហារពេលថ្ងៃត្រង់រួចហើយក៏មានការប្រកួតកីឡាទៅតាមក្រុមនីមួយដើម្បីទទួលបានរង្វន់នៅថ្ងៃទី២៩​​ ​ ជាថ្ងៃចុងបញ្ចប់នៃការប្រារព្ធពិធី ដែលរង្វន់នោះទទួលបានពីលោកឪពុក យ៉ូ ជីន ខាល់កូ ជាអធិការ​​នៃសាលាបច្ចេកទេស ដុនបូស្កូ។ក្នងការលេងកីឡានេះមានបែងចែងជាបួនក្រុម ដោយសារតែពណ៌នៃអាវមានបួនពណ៌គឺមាន ពណ៌​ក្រហម ពណ៌ខៀវ ពណ៌​លឿង និងពណ៌ស៊ីជម្ពូ។ដែលពណ៌នីមួយៗសុទ្ធតែមានអត្ថន័យ៉ាងជ្រាលជ្រៅបំផុតគឺ៖

ក្រហម​៖​តំណាង​អោយ​ភាព​មុះមុតនិងភាពក្លាហានដែលស្តែងអោយឃើញថាយុវជន របស់លោកពុកយូហានបូស្កូ ​គឺ​​មាន​ចិត្ត​ក្លាហាន​ មុះ​មុត​​ជំនះ​រាល់​ឧបសគ្គ​រាល់​ការ​លំបាក​តស៊ូ​ក្នុង​ការ​រៀន​សូត្រ ការគោរពវិន័យ ក៍ដូចជាការប្រកបរបរចិញ្ចិមជីវិតពេលបច្ចុប្បន្ននិងអនាគត។

ពណ៌ខៀវ៖ តំណាង​អោយ​ភាព​មាន​បារមី​ ភាព​មានអំណាច ​ភាព​មាន​មហិទ្ធិរិទ្ធ​និង​ភាព​ខ្លាំងខ្លា​គឺ​សបញ្ជាក់ថា​យុវជន​ដុនបូស្គូ​គឺ​ជា​យុវជន​មានភាពរ៉ឹងប៉ឹង​ ខ្លាំង​ខ្លា​ ផ្នែក​រាង​កាយ​សុខ​ភាព​ និង​ផ្នែក​បញ្ញា​ស្មារតី​ ជំនះ​​និង​​តស៊ូ​​គ្រប់​​ឧបសគ្គ​​ក្នុង​ជីវិត​និង​ការ​រៀន​សូត្រ​ ដោយ​ទទួល​បាន​ភាព​គោរព​ភាព​កោត​ក្រែង ភាពសរសើរ និង​ភាព​មានកិ​ត្តយសពីសំណាក់ឪពុកម្តាយ ​គ្រូបារអាចារ្យ ញាតិ​មិត្ត​បងប្អូន​សង្គមមនុស្ស​និង​សង្គម​ការងារ​។ 

ពណ៌លឿង៖ តំណាងអោយភាពអមតៈ ភាពយូរអង្វែង និងភាពឋិតថេរជេរកាល គឺ​មាន​ន័យ​ថាយុវជន ដុនបូស្កូជាយុវជនបានឆ្លងកាត់ក្នុងការបណ្តុះបណ្តាល ការអប់រំផ្នែករាងកាយ ផ្នែក​បញ្ញា​ស្មារតីនិងជាយុវជនប្រកបដោយ វិន័យសិល្ប៍ធម៌ ចរិយាធម៌ គុណធម៌ ព្រម​ទាំង​ជាយុវជន​ដែល​មាន​នូវសម្មកភាពទាំងទ្រឹស្តីនិងការអនុវត្ត។

ពណ៌ស៊ីជំម្ពូរ៖ តំណាង​អោយ​មិត្តភាព​ការរួបរួម​និង​​សាមគ្គីភាព នេះ​បញ្ជាក់​អោយ​ឃើញ​ថាយុវជន​ដុន​បូស្កូ​ជាកំលាំងស្នូល ផ្នែក​ធនធាន​មនុស្ស​ដ៏​សំខាន់​ក្នុងការជួយជ្រោមជ្រែង អភិវឌ្ឍន៍ នូវសង្គមគ្រូសារ សង្គមមនុស្ស ​សង្គម​ជាតិ​ និង​​ពិភព​​លោក​​​ទាំង​មូល​។ ចំនុច​ខាង​លើ​នេះ​ហើយ​ជា​ចំនេះ​ដឹង​ពិតៗ​តែង​តែ​រមែងជាទ្រព្យសម្បត្តិអមតៈ យូរអង្វែង ឋិតថេរជេរកាលប្រើច្រើនរមែងរីកចំរើនកើនឡើងជាដរាប។