From: Champucha thmey
មនុស្សតែងមានគំនិតដោះស្រាយច្រើនដើម្បីបានរួចខ្លួនផង និងដើម្បីបានកេងយកចំណេញពីមនុស្សផង។ ក្នុងនោះក៏មានពំនោល ឬជាបណ្តាំផ្ញើពីបុរាណមួយឃ្លា៖ “ទៀងមិនឈ្នះទ័ល ” ទុកគ្រាន់ធ្វើការពិចារណា និងពិនិត្យមើលសកម្មភាពរបស់មនុស្សដោយការវាយតម្លៃថា តើអ្នកណាជាមនុស្សមានចរិតទៀងត្រង់ និងអ្នកណាជាអ្នកមានគំនិតកុហកបោកប្រាស់។
មនុស្សតែងមានគំនិតដោះស្រាយច្រើនដើម្បីបានរួចខ្លួនផង និងដើម្បីបានកេងយកចំណេញពីមនុស្សផង។ ក្នុងនោះក៏មានពំនោល ឬជាបណ្តាំផ្ញើពីបុរាណមួយឃ្លា៖ “ទៀងមិនឈ្នះទ័ល ” ទុកគ្រាន់ធ្វើការពិចារណា និងពិនិត្យមើលសកម្មភាពរបស់មនុស្សដោយការវាយតម្លៃថា តើអ្នកណាជាមនុស្សមានចរិតទៀងត្រង់ និងអ្នកណាជាអ្នកមានគំនិតកុហកបោកប្រាស់។
យោងតាមន័យនៃទស្សនៈ នេះគេឃើញមនុស្សនៅពេលទ័លច្រក ឬហៅថា ទឹកចូលដល់ច្រមុះហើយនោះតែងបានប្រើប្រាស់តាមល្បិចកលយករួចខ្លួន តាមសុភាសិតបុរាណមួយឃ្លាពោលថា ” ផ្លូវវៀច កុំបោះបង់ផ្លូវណាត្រង់ កុំដើរហោង ” ឬ “ស្លូតស្លាប់ វៀចវេរមានភព្វ អាយុយឺនយូរ”។ គេបានលើកឧទាហរណ៍ជាក់ស្តែងថា កាលពីសម័យប្រល័យពូជសាសន៍អ្នកណាក៏ចេះភូតភរ និងមានល្បិចកលនានាដើម្បីការពារខ្លួន អោយរួចផុតពីសេចក្តីស្លាប់ផងដែរ។ តែក៏មានអ្នកខ្លះមានសំណាងបានរួចខ្លួន និងក៏មានអ្នកជាច្រើនទៀតបានស្លាប់តាមរយៈការទម្លាក់ទោសយ៉ាងឃោរឃៅព្រៃផ្សៃបំផុត។ បានសេចក្តីថា ការពោលពាក្យដោះសាឃើញថា ជាការគាំទ្រខ្លួនឯងក្នុងន័យពង្វាងដានឬជាការលាក់កប់ចោលនូវទោសកំហុសរបស់ខ្លួនដែលជួនកាលក៏មានការលាក់បាំងជិត និងជួនកាលក៏លាក់មិនជិតបណ្តាលអោយគេតាមដានទាន់ជាន់កែង។
តាមសុភាសិតបុរាណបានបញ្ជាក់ថា មនុស្សគេយកសំដីដំរីគេយកភ្លុក ដែលជារឿងដំបូងមែនបុ៉ន្តែក្នុងជំហានជាក់ស្តែងបន្ទាប់មកទៀតនោះគឺគេបានគិតបន្ថែមដោយការផ្ទៀងផ្ទាត់ថា មនុស្សគេយក ទៅតាមទង្វើជាក់លាក់តែម្តង។ មានន័យថា គេមើលមនុស្សទៅលើសាច់ការ ថាតើ មនុស្សនោះធ្វើបានអ្វីខ្លះមកហើយ។ ប៉ុន្តែបើគេមិនទាន់ឃើញមានសាច់ការជាក់ស្តែងនោះទេគេប្រាកដជា និយាយពេបជ្រាយនិងចំអកឡកឡឺយតបទៅវិញថា ” រស់តែពាក្យ ត្រគាកស្លាប់ស្តូក ” ហៅថា ឥតបានផលប្រយោជន៍អ្វីសោះឡើយ។
ទង្វើបែបនេះឬជាមេរៀននេះពិតជាប្រជាពលរដ្ឋយើងបានធ្លាប់ជួបប្រទះនូវបទពិសោធន៍យ៉ាងច្រើនក្នុងជីវភាពរស់នៅនិងការប្រាស្រ័យទាក់ទងក្នុងសង្គមកន្លងមក។ ជាពិសេសគេបានឃើញមនុស្សដែលមានការជំពាក់ប្រាក់ឬបំណុលគេនោះហើយដែលមនុស្សនោះមិនមានលទ្ធភាពក្នុងការសងទៅគេទាន់ពេលវេលាកំណត់ ឬទៅតាមកិច្ចសន្យានោះក៏គេតែងដឹងថា អ្នកនោះនិយាយមិនទៀងទាត់នោះដែរ។ ត្រង់នេះហើយដែលពាក្យចាស់ទុំពីបុរាណបានបញ្ជាក់ថា ៈ ” ទៀងមិនឈ្នះទ័ល ” នោះ។ មានន័យថា អ្នកដែលមានការជំពាក់បំណុលគេនោះតែងមានការកុហកបោកបញ្ឆោត ឬមានការបង្វែងដាន យករួចខ្លួននិងបន្តកេងយកចំណេញបន្ថែមទៀតឥតស្វាងនោះឡើយ។
ផ្តើមចេញពីទស្សនៈ “ទៀងមិនឈ្នះទ័ល ” ដែលគេបានជួបប្រទះក្នុងជីវភាពរស់នៅនេះបើគេក្រឡេកមើលទំព័រនយោបាយកន្លងមកនេះក៏គេបានដឹងបញ្ហានេះដែរ។ តាមពិតគេឃើញនិងជួបប្រទះនូវអ្នកនយោបាយដើម្បីទាក់ទាញយកប្រជាប្រិយភាពនិងការគាំទ្របានសន្យានិងធានាជួយប្រជាពលរដ្ឋនៅក្រោយពេលជាប់ឆ្នោត…។ គេធ្លាប់ភ្លក្សរសជាតិនៃការទទួលនូវសំដីអួតអាងបែបនេះជាច្រើនលើករួចមកហើយ ហើយដែលបណ្តាលអោយអ្នកគាំទ្រទាំងនោះមានការខកបំណងទៀតផង។
ជារួមមកគេដឹងថាក្រុមអ្នកនយោបាយដែលបានបន្ថែមល្បឿនតែពាក្យឃោសនានោះក៏គេយល់ថា ៖ ” ទៀងមិនឈ្នះទ័លដែរ ” ។ បានសេចក្តីថា បើមិននិយាយកុហកភូតភរទេ តើមានស្នាដៃអ្វីសម្រាប់បង្ហាញអំពីសមត្ថភាពនៃសិល្ប៍វិធីនយោបាយខ្លួន? បើនយោបាយនោះមានតែបាតដៃទទេតើបានអ្វីជួយជាតិគឺមានតែបន្តកុហកទៀតតែអ៊ីចឹង!…៕
.jpg)
0 comments:
Post a Comment