ស្វាយរៀងៈ កម្មករនៅរោងចក្រដែលរងផលប៉ះពាល់ដោយសារកូដកម្មនាពេលថ្មីៗនៅ ទីក្រុងបាវិត ខេត្តស្វាយរៀងបានទទួលប្រាក់ខែរបស់ខ្លួនកាលពីថ្ងៃសៅរ៍តែប្រាក់ ខែត្រូវបានគេកាត់ដែលនេះបានបង្កឲ្យមានក្តីបារម្ភអំពីបាតុកម្ម ថ្មីទៀត។
ម្ចាស់រោងចក្រនេះបានបាត់បង់ប្រាក់អស់រាប់លានដុល្លារដោយសារតែ ការរាំងស្ទះដែលបណ្តាលមកពីមានកូដកម្មហិង្សាទាក់ទងទៅនឹងការ ទាមទារប្រាក់ឈ្នួលអប្បបរមាបង្កឲ្យមានភាពរំជើបរំជួលដល់ទីក្រុង បាវិតចាប់ពីថ្ងៃទី ១៦ ដល់ថ្ងៃទី ២៤ ខែធ្នូឆ្នាំ ២០១៥ កន្លងមក។
យោងតាមលោក Rex Lee អ្នកគ្រប់គ្រងតំបន់សេដ្ឋកិច្ចពិសេសមេនហាធេនបានឲ្យដឹងថារោងចក្រ មិនបង់ប្រាក់ឲ្យកម្មករដែលមិនមកធ្វើការពីថ្ងៃទី ១៦ ដល់ទី ២៤ ខែធ្នូថ្វីបើប្រាក់ឈ្នួលពាក់កណ្តាល ឬពេញត្រូវបានផ្តល់ជូនកម្មករដែលមកធ្វើការតែត្រូវគេបញ្ជាឲ្យ ចេញពីរោងចក្រក៏ដោយ។
សម្រាប់រយៈពេលពីថ្ងៃទី ២២ ដល់ ២៤ ខែធ្នូនៅពេលដែលអាជ្ញាធរមូលដ្ឋានបង្គាប់ឲ្យបញ្ឈប់ការងារទាំងស្រុង កម្មករទាំងអស់ទទួលបានប្រាក់ឈ្នួលពាក់កណ្តាល។
លោក Lee បានថ្លែងកាលពីម្សិលមិញថានិយោជក និងរដ្ឋាភិបាលកំពុងឃ្លាំមើលស្ថានការណ៍ខណៈដែលកម្មករទៅធ្វើការនៅ ព្រឹកនេះបន្ទាប់ពីពួកគេឈប់សម្រាកកាលពីថ្ងៃអាទិត្យ។
លោកស្រី យៀន ម៉ាក កម្មកររោងចក្រនៅរោងចក្រ Kaoway ក្នុងតំបន់សេដ្ឋកិច្ចពិសេស មេនហាធេន បានថ្លែងថាប្រាក់ខែរបស់អ្នកស្រីត្រូវបានកាត់ប្រហែល ២០ ទៅ ៣០ ដុល្លារអាមេរិក។
លោកស្រីបានថ្លែងបន្តថា៖ «យើងនឹងធ្វើបាតុកម្មបើតំណាងរោងចក្រយើងមិនតវ៉ាទាមទារប្រាក់ទេ»។
ទោះបីជាយ៉ាងណាលោក ហាស ប៊ុនធី ប្រធានមន្ទីរការងារខេត្តបានថ្លែងថាបញ្ហាប្រាក់ខែត្រូវបាន ដោះស្រាយដោយការសម្របសម្រួលរវាងកម្មករ និងរោងចក្រដែលព្រួយបារម្ភពីការរាំងស្ទះបន្តទៀត។
«បន្ទាប់ពីកម្មករទទួលបានប្រាក់ខែយើងមិនឃើញសកម្មភាព ឬបាតុកម្មទេ»៕
.jpg)
0 comments:
Post a Comment