ផលប្រយោជន៍ដ៏អស្ចារ្យនៃថ្នាំដុសធ្មេញ ទាំង១២ចំណុច ដែលលោកអ្នកមិនដែល ដឹងទាល់តែសោះ

From៖ Khmerload 
តើលោកអ្នកធ្លាប់ជ្រាប អំពីគុណសម្បត្តិផ្សេងៗទៀត នៃថ្នាំដុសធ្មេញ ក្រៅពីប្រើសម្រាប់ដុសធ្មេញដែរឬទេ? លោកអ្នកប្រហែលជាបានគិតថា ថ្នាំដុសធ្មេញ ប្រើបានសម្រាប់តែ ការពារសុខភាពមាត់ធ្មេញ តែមួយមុខ តែប៉ុណ្ណោះ ។ ប៉ុន្តែលោកអ្នក ប្រាកដជាមានភាពភ្ញាក់ផ្អើលជាក់ជាមិនខានឡើយ នៅពេលបានស្វែងយល់អំពី ផលប្រយោជន៍ផ្សេងៗទៀតនៃថ្នាំដុសធ្មេញ ដែលលោកអ្នកប្រហែលជា មិនដែលនឹកស្មានដល់នោះឡើយ  ។ ដូច្នេះ ខ្មែរឡូត សូមបង្វែរអារម្មណ៍របស់ប្រិយមិត្ត មកទទួលជ្រាបនូវ សារៈសំខាន់ក្នុងការដុសសំអាត របស់ថ្នាំដុសធ្មេញ ទាំង១២ចំណុច ដូចខាងក្រោម៖
១. សម្រាប់កំចាត់ ស្នាមប្រឡាក់និងស្នាមឆ្កូត ដែលមាននៅលើអេក្រង់ទូរស័ព្ទ
២. ថ្នាំដុសធ្មេញ អាចជួយជម្រះ ស្នាមប្រឡាក់នៅលើ សំលៀកបំពាក់
៣. អាចសំអាតស្នាមប្រឡាក់ ដែលនៅជាប់នឹងបាតឆ្នាំងអ៊ុតខោអាវ
៤. ថ្នាំដុសធ្មេញ មានប្រសិទ្ធភាពខ្ពស់ ក្នុងការលាងសំអាត ផើងលាងចាន បានយ៉ាងសភ្លឺស្អាត
៥.  អាចប្រើសម្រាប់ សំអាតកញ្ចក់វ៉ែនតាមួយចំនួនដូចជា វ៉ែនតាសម្រាប់ហែលទឹក វ៉ែនតាសម្រាប់ការជិះកង់ និងវ៉ែនតាសម្រាប់ជិះស្គី ផងដែរ
៦. ថ្នាំដុសធ្មេញ អាចជួយធ្វើឲ្យរបស់របរចាស់ៗរបស់អ្នក ភ្លឺរលោងបានយ៉ាងមានប្រសិទ្ធភាព
៧. ប្រើថ្នាំដុសធ្មេញតែបរិមាណតិចល្មម ក៏អាចកំចាត់ ស្នាមឆ្កូតចេញពី CD ឬ DVD ផងដែរ
៨. ជាមួយគ្នានេះដែរ ថ្នាំដុសធ្មេញ អាចសំអាតភាពកង្វក់ ដែលនៅជាប់នឹងទ្វារកញ្ចក់ក្នុងបន្ទប់ទឹកផងដែរ
៩. យើងក៏អាច យកថ្នាំដុសធ្មេញ ទៅដុសសំអាតស្នាមប្រឡាក់ ឬស្នាមអុចខ្មៅ លើស្បែកជើងកីឡារបស់យើងបានផងដែរ
១០. ពេលចិញ្ចៀនពេជ្រ ឬមាស របស់អ្នកប្រឡាក់ឬស្រអាប់ មិនចាំបាច់ទៅជាងនោះទេ ថ្នាំដុសធ្មេញអាចដោះស្រាយបាន
១១. សារៈសំខាន់របស់ថ្នាំដុសធ្មេញមួយទៀតនោះ គឺវាអាចប្រើដើម្បីលាងសំអាតដៃរបស់អ្នក ជំនួសឲ្យ ឬក៏ប្រសើរជាងសាប៊ូធម្មតាផងដែរ ជាពិសេសគឺការ កំចាត់ក្លិនអាក្រក់ដែលជាប់នឹងដៃអ្នក
១២. ចុងក្រោយ ថ្នាំដុសធ្មេញ អាចដើរតួរជាអ្នកប៊ូលា ចង្កៀងភ្លើងរថយន្តរបស់អ្នក ឲ្យកាន់តែភ្លឺរលោងផងដែរ​ ៕