រមណីយដ្ឋានឋានសួគ៌បូកគោ
ជាទីកន្លែងដែលមានភាពទាក់ទាញបំផុតទាំងភ្ញៀវជាតិ និង អន្តរជាតិ។
នៅលើកំពូលភ្នំបូកគោ
មានសំណង់អាគារចាស់ៗជាច្រើនដែលជាស្នាដៃបុព្វបុរសខ្មែរជំនាន់មុនដែលបានកសាងឡើងតាំងតែពីមុនសម័យអាណានិគមបារាំង
ក៏ប៉ុន្តែសព្វថ្ងៃនេះមានអាគារមួយចំនួនត្រូវបានបោះបង់ចោលហើយ។
ភ្នំបូកគោមានចំងាយ ៤២គីឡូម៉ែត្រពីក្រុងកំពត ។ ក្រុមបរទេសបានមកដល់ដំបូងគេនៅឆ្នាំ១៩១៧
លុះក្រោមមកជនជាតិបារាំងម្នាក់ឈ្មោះ រូលួស បានរៀបចំឡើងនាថ្ងៃទី១៣ ខែមេសា ឆ្នាំ១៩២២
ក្នុងរាជ្ជកាលព្រះបាទស៊ីសុវត្ថ។ កាលដំបូងឡើយ
បូកគោជាទីកន្លែងសំរាប់សំរាកលំហែកាយរបស់ពួកអាណានិគមបារាំងក្នុងការផ្លាស់ប្តូរធាតុអាកាសនៃតំបន់វាលរាបទីតំបន់កំពូលភ្នំនាឆ្នេរសមុទ្រ។
ភ្នំបូកគោមានកំពស់ ១០៧៥ម៉ែត្រ ធាតុអាកាសនៅទីនោះមានភាពត្រជាក់បង្គួរ
រុក្ខជាតិទាំងទ្បាយមានភាពរីកស្រស់គ្រប់ពេលវេលា ព្រមទាំងមានទេសភាពធម្មជាតិដ៏ល្អៗ
ដូចជាមានផ្ទាំងថ្មដាធំៗជាច្រើនឥតគណនានៅរាយប៉ាយក្រោមដើមរុក្ខជាតិ
ខ្លះនៅកណ្តាលវាល ខ្លះទៀតមើលទៅមានរាងដូចជារូបសត្វផ្សេងៗ ឬ ជារាងសំពៅ។
ពីកំពូលភ្នំបូកគោ គេអាចមើលឃើញនូវទិដ្ឋទាពខ្លះៗនៃក្រុងកំពត ក្រុងព្រះសីហនុ ក្រុងកែប ព្រមទាំងផ្ទៃសមុទ្រពណ៌ខៀវស្រងាត់ធំល្ហល្ហេវជាប់ជើងមេឃ។បើនិយាយពីភ្ញៀវទេសចរណ៍និយមទៅលេងពេលរដូវបុណ្យទានច្រើនបំផុត។
.jpg)
0 comments:
Post a Comment