ថ្ងៃអង្គារ ទី២៣ ខែកុម្ភៈ ឆ្នាំ២០១៦ ម៉ោង ១២:៤១ (23-02-2016 12:41)
ក្រុងប៉ោយប៉ែត ៖ អ្នកភូមិប្រមាណ៥០គ្រួសារ ដែលអាជ្ញាធរដោះដូរពីចំណុចដីផ្លូវរថភ្លើងឲ្យទៅរស់នៅក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត បានត្អូញត្អែរប្រាប់អ្នកសារព័ត៌មានឲ្យដឹងថា ពួកគាត់រស់នៅសព្វថ្ងៃកំពុងរងផលប៉ះពាល់បញ្ហាសុខភាពយ៉ាងខ្លាំង ដោយសាតែខាងក្រុមហ៊ុនសម្អាតក្រុងប៉ោយប៉ែត បានដឹកសំរាមយកទៅចាក់ចោលក្នុងដីភូមិដែលពួកគាត់រស់នៅពាសវាលពាសកាលគ្មាសណ្តាប់ធ្នាប់ ។
ក្រុមអ្នកភូមិបានលើកឡើងថា កាលពីមុនពួកគាត់រស់នៅកន្លែងនេះ មិនមានបញ្ហាអ្វីទេ ប៉ុន្តែមួយរយៈពេលជិត១ឆ្នាំនេះ ក្រុមហ៊ុនសំរាមខាងលើយករថយន្តដឹកកាកសំណល់សំរាមពីក្នុងទីប្រជុំជនក្រុងប៉ោយប៉ែត មកចាក់ចោលពាសវាលពាសកាលរាយប៉ាយគ្មានសណ្តាប់ធ្នាប់ជារៀងរាល់ថ្ងៃ ថែមទាំងដុតសំរាមហុយផ្សែងទ្រលោម រួមទាំងជះក្លិនស្អុយស្ទើរតែដកដង្ហើមមិនរួច ជាបញ្ហាធ្វើឲ្យពួកគាត់រងផលប៉ះពាល់ដល់សុខភាពយ៉ាងធ្ងន់ធ្ងរ ។
ពួកគាត់ជាអ្នករងគ្រោះទាំងអស់សំណូមពរដល់អាជ្ញាធរ មានសមត្ថកិច្ចដែលឈរជើងនៅក្នុងមូលដ្ឋាន មេត្តាជួយចាត់វិធានការណាមួយដល់ក្រុមហ៊ុនសំរាមសម្អាតក្រុងប៉ោយប៉ែត រកទីកន្លែងណាមួយឲ្យបានឆ្ងាយពីភូមិពួកគាត់រស់នៅ ដើម្បីចៀសវាងកុំឲ្យរំខាន និងប៉ះពាល់ដល់សុខភាពរស់នៅប្រចាំថ្ងៃរបស់ពួកគាត់ទៅថ្ងៃក្រោយ ៕
ពួកគាត់ជាអ្នករងគ្រោះទាំងអស់សំណូមពរដល់អាជ្ញាធរ មានសមត្ថកិច្ចដែលឈរជើងនៅក្នុងមូលដ្ឋាន មេត្តាជួយចាត់វិធានការណាមួយដល់ក្រុមហ៊ុនសំរាមសម្អាតក្រុងប៉ោយប៉ែត រកទីកន្លែងណាមួយឲ្យបានឆ្ងាយពីភូមិពួកគាត់រស់នៅ ដើម្បីចៀសវាងកុំឲ្យរំខាន និងប៉ះពាល់ដល់សុខភាពរស់នៅប្រចាំថ្ងៃរបស់ពួកគាត់ទៅថ្ងៃក្រោយ ៕
.jpg)
0 comments:
Post a Comment