From: Thmey Thmey.com
ព្រះវិហារ៖ បន្ទាប់ពីមានជម្លោះដីធ្លីដ៏រ៉ាំរ៉ៃជាមួយក្រុមហ៊ុនចិនដែលមានឈ្មោះថា រូយហ្វេង និងឡានហ្វេង ប្រជាជនសហគមន៍ជនជាតិដើមភាគតិចកួយនៅក្នុងឃុំប្រមេរ ស្រុកត្បែងមានជ័យ ខេត្តព្រះវិហារ បានបាត់បង់មុខរបរស្ទើរទាំងស្រុង។ ទំនាស់នេះ បានកើតឡើងបន្ទាប់ពីក្រុមហ៊ុនចិន ទទួលបានដីសម្បទានសេដ្ឋកិច្ចពីរដ្ឋាភិបាលជាង១ម៉ឺនហិចតា រយៈពេល៩៩ឆ្នាំ ដើម្បីដាំអំពៅ។ ប៉ុន្តែដីសម្បទានសេដ្ឋកិច្ចនេះ បានគ្រប់ដណ្ដប់ដីសហគមន៍យ៉ាងច្រើនហិចតា។ បន្ទាប់ពីមានការឈូសឆាយ ប្រជាសហគមន៍បានលើកបដាតវ៉ាទាំងនៅកន្លែងមានជម្លោះ និងនៅភ្នំពេញជាច្រើនដង ប៉ុន្តែនៅតែគ្មានដំណោះស្រាយ ហើយក្រុមហ៊ុននៅតែបន្ត ឈូសឆាយដីសហគមន៍ ដើម្បីសង់រោចចក្រផលិតស្ករស និងដាំអំពៅ។ បញ្ហានេះ បានធ្វើឲ្យជីវភាពប្រជាសហគមន៍ កាន់តែក្រីក្រ ដោយសារការចំណាយពេលវេលាក្នុងការតវ៉ា និងគ្មានមុខរបរដែលពួកគេធ្លាប់ធ្វើតាំងពីដូនតាមកនោះ។
ជាបន្តសូមអញ្ជើញទស្សនាវីដេអូសកម្មភាព របស់ក្រុមនិស្សិតមកពីភ្នំពេញដែលបានចូលទៅតំបន់ជម្លោះ និងស្តាប់បទសម្ភាសន៍រវាង លោក អ៊ុក ពឿន ប្រធានសហគមន៍ស្រែព្រាង ឃុំប្រមេរ ស្រុកត្បែងមានជ័យ ខេត្តព្រះវិហារ ជាមួយ លោក រ៉ឹម ភារី អ្នកយកព័ត៌មានរបស់គេហទំព័រថ្មីៗ ដែលបានទៅដល់សហគមន៍ផ្ទាល់ដូចតទៅ៖
.jpg)
0 comments:
Post a Comment