ម្សិលមិញ​គ្រោះថ្នាក់ចរាចរណ៍​សម្លាប់មនុស្ស០៥នាក់​ និងរបួសធ្ងន់ស្រាល១៨នាក់

ដោយ ៖ វ៉ា វឌ្ឍនៈ

ថ្ងៃសុក្រ ទី៣ ខែមេសា ឆ្នាំ២០១៥ ម៉ោង ១០:៥១

រាជធានីភ្នំពេញ ៖​ យ៉ាងហោចណាស់​មនុស្ស០៥នាក់​បានស្លាប់និងរបួស១៨នាក់​ ក្នុងនោះ១៤នាក់របួសធ្ងន់ ​ដោយសារគ្រោះថ្នាក់​ចរាចរណ៍១២លើក​នៅ​ទូទំាង​ប្រទេសកម្ពុជា​កាលពីថ្ងៃទី០២ ​មេសា ២០១៥ ។

បើតាមរបាយការណ៍​របស់អគ្គស្នងការដ្ឋាន​នគរបាលជាតិ​ក្រសួងមហាផ្ទៃបាន​បង្ហាញទៀតថា ​ក្នុង​គ្រោះថ្នាក់ចរាចរណ៍​ទំាង១២ខាងលើ​ ​បានបណ្តាល​ឲ្យ​ខូចខាត​យានយន្តសរុប២១គ្រឿង​ ក្នុងនោះម៉ូតូ១៥គ្រឿង ​រថយន្តធុនតូច០៣គ្រឿង ​និងយានផ្សេងៗ​០៣គ្រឿង ។

របាយការណ៍​ដដែលបានបញ្ជាក់ទៀតថា​ មូលហេតុដែលបង្កឲ្យ​កើត​មានគ្រោះថ្នាក់ចរាចរណ៍ ​បណ្តាលមកពីល្បឿន០៦លើក ​ស្រវឹង០២លើក​ មិនប្រកាន់​​ស្តំា​០២លើក​ ប្រជែងគ្រោះថ្នាក់០១លើក​ និង​មិនគោរពសិទ្ឋិ​អាទិភាព០១លើក ៕

•