March 2015 ~ tuyrieminfo

Monday, March 23, 2015

ព្យុះស៊ីក្លូនបក់ទៅលើឆ្នេរអូស្រ្តាលីជាលើកទីពីរ

អស់រយៈពេល៣ថ្ងៃហើយ បន្ទាប់ពីបោកបក់ទៅលើដីគោកនោះ ព្យុះ Cyclone Nathan បន្ដ គំរាមកំ M23-03-15-v

ហែងទៅដល់សហគមន៍នៅតាមឆ្នេរសមុទ្រនៃប្រទេសអូស្ត្រាលី ដែលមានអ្នកស្រុករស់នៅប្រមាណ៤០០នាក់ នៅលើកោះឆ្ងាយដាច់ស្រយាលមួយឯភាគខាងជើងកាលពីថ្ងៃចន្ទ កន្លងមកនេះ ដែលតម្រូវឲ្យពួកគេចាកចេញទៅរកទីជម្រក បន្ទាប់ពីឧតុនិយមព្រមានថា ព្យុះនឹងបង្កើនឥទ្ធិពលរបស់វា។

នេះជាលើកទីពីរហើយដែលបានកើតមានមកចាប់តាំងពីខែកុម្ភៈ កន្លងមកនេះ ចំពោះអ្នកស្រុករស់នៅកោះ Goulburn ភាគខាងជើងនៃទឹកដីអូស្ដ្រាលី ត្រូវរងការជម្លៀសចេញពីព្យុះសីុក្លូនត្រូពិកនោះ។

ព្យុះ Nathan នេះ បានបោកបក់ឆ្លងកាត់ឆ្នេរសមុទ្រភាគខាងកើតប្រទេសអូស្ដ្រាលី កាលពីថ្ងៃសុក្រ មុនពេលវាធ្លាក់ចុះខ្សោយទៅពេលទៅដល់ដីគោក។ ជាធម្មតាដែលព្យុះត្រូពិកស៊ីក្លូន តែងតែធ្លាក់ចុះខ្សោយទៅវិញយ៉ាងឆាប់រហ័សពេលបោកបក់ទៅដល់ដីគោកនោះ។

ផ្នែកឧតុនិយម និយាយថា ព្យុះ Nathan បោក បក់ពីទិសខាងជើងឆៀងខាងលិច មានល្បឿន១២គីឡូម៉ែត្រក្នុងមួយម៉ោង ហើយអាចពង្រឹងឥទ្ធិពលរបស់វាពេលរំកិលទៅដល់កណ្ដាលលំហសាគរមុនពេលដែល វាត្រូវធ្លាក់ចុះខ្សោយទៅវិញ ពេលឡើងដល់ដីគោកទៀតនោះ។

ព្យុះ នោះត្រូវបានគេរំពឹងថា ស្ថិតនៅក្នុងកម្រិត៣ ដោយវាធ្វើចលនាបោកបក់ស្របតាមឆ្នេរសមុទ្រ ដោយឆ្ពោះទៅទិសនិរតី និងតម្រង់ទៅរកដីគោកនៅល្ងាចថ្ងៃចន្ទ កន្លងមកនេះ ឬក៏រហូតដល់ពេលព្រឹកថ្ងៃអង្គារ នេះបើយោងតាមការឲ្យដឹងពីការិយាល័យឧតុនិយមរបស់អូស្ត្រាលី៕

អង្គការសហប្រជាជាតិ(UN)ស្នើសុំបើកការិយាល័យUNOPS នៅកម្ពុជា

Unknown2:20 AMNo comments

from kho satepheap

បញ្ចូលអត្ថបទ ៖ ផ្កាយព្រឹក

ថ្ងៃចន្ទ ទី២៣ ខែមីនា ឆ្នាំ២០១៥ ម៉ោង ១៥:២៦

រាជធានីភ្នំពេញ ៖ អ្នកនាំពាក្យក្រសួងការបរទេសកម្ពុជាបានថ្លែងប្រាប់អ្នកសារព័ត៌មាន ថា អង្គការសហប្រជាជាតិ ( UN ) បានស្នើសុំបើកការិយាល័យមួយទៀត ដែលហៅកាត់ថា UNOPS នៅព្រះរាជាណាចក្រកម្ពុជា ហើយការិយាល័យនេះនឹងផ្តោតលើវិស័យហេដ្ឋារចនាសម្ព័ន្ធ សុខាភិបាល និងបរិស្ថាន។
លោក កុយ គួង អ្នកនាំពាក្យក្រសួងការបរទេសបានថ្លែងដូច្នេះ បន្ទាប់ពីកិច្ចជំនួបរវាងលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេសកម្ពុជា ជាមួយអ្នកស្រី ហ្គ្រីធិ ហ្វែរម៉ូ (Grete Faremo) អគ្គលេខាធិការរង និងជានាយកប្រតិបត្តិអង្គការសហប្រជាជាតិទទួលបន្ទុកសេវាគម្រោងជំនួយ ផ្នែកហេដ្ឋារចនាសម្ព័ន្ធ សុខាភិបាល និងបរិស្ថាន នាថ្ងៃទី២៣ មីនា ២០១៥នេះនៅទីស្តីការក្រសួង។
លោក កុយ គួង បញ្ជាក់ថា ការបើកការិយាល័យUNOPS របស់អង្គការសហប្រជាជាតិ គឺមានគោលបំណងពិនិត្យ និងចង់ជួយបន្ថែមទៀត ដល់កម្ពុជាទាក់ទងនឹងវិស័យខាងលើនេះ។ លោក កុយ គួង បានមានប្រសាសន៍បន្តថា ប្រមុខការទូតកម្ពុជា បានស្វាគមន៍ចំពោះសំណើរបស់អ្នកស្រី ក៏ហ្គ្រីធីហ្វែរម៉ូ ហើយក៏បានស្នើសុំឲ្យ UNOPS ផ្តោតការយកចិត្តទុកដាក់លើការកាត់បន្ថយអត្រាមរណមាតា និងទារកឲ្យបានជាអតិបរិមា រួមជាមួយការលើកកម្ពស់ការសិក្សារបស់ស្ត្រីនៅកម្ពុជា ព្រោះថាបច្ចុប្បន្ននេះការសិក្សានៅកម្ពុជាមិនមានតុល្យភាពរវាង ស្ត្រីនិងបុរស ។
លោក កុយ គួង បានបញ្ជាក់ទៀតថា «កន្លងមកអង្គការ UNOPS បានទាក់ទងក្រសួងសាធារណការ និងដឹកជញ្ជូន», ក្រសួងសុខាភិបាល «ជំងឺគ្រុនចាញ់ ជំងឺឆ្លងផ្សេងៗ និងជំងឺអេដស៍», ក្រសួងបរិស្ថាន «ការយល់ដឹងអំពីការប្រែប្រួលអាកាសធាតុ បណ្តុះបណ្តាលសហគមន៍មូលដ្ឋាន ឲ្យយល់ដឹងការការពារព្រៃឈឺផ្សេងៗជាដើមផងដែរ»៕

សាលារាជធានីភ្នំពេញអភិសេករូបសំណាកព្រះនាងប្រាជ្ញាបារមី និងសមិទ្ធផលនានានៅតំបន់ជ្រោយចង្វារត្រើយខាងកើតទល់មុខវាំង

Unknown7:06 PMNo comments

from kho satepheap

បញ្ចូលអត្ថបទ ៖ ផ្កាយព្រឹក

ថ្ងៃអាទិត្យ ទី២២ ខែមីនា ឆ្នាំ២០១៥ ម៉ោង ១៥:១៨

រាជធានីភ្នំពេញ ៖ សាលារាជធានីភ្នំពេញបានរៀបចំធ្វើពិធីក្រុងពាលីពលិកាបូជាទេវរូប និងពិធីអភិសេករូបសំណាកព្រះនាងប្រាជ្ញាបារមី និងសម្ភោធដាក់ឲ្យប្រើប្រាស់សមិទ្ធិផលនានាដូចជាច្រាំងទន្លេ សួនច្បារ ផ្លូវបង្គោលភ្លើងដែលសាលារាជធានីភ្នំពេញបានអភិវឌ្ឍន៍រួចហើយ ស្ថិតនៅសួនច្បាច្រមុះជ្រូកតាមបណ្តោយមាត់ទន្លេចុងជ្រោយចង្វាត្រើយ ខាងកើតទល់មុខវាំង ក្នុងសង្កាត់ជ្រោយចង្វារ ខណ្ឌជ្រោយចង្វារ ។
ពិធីនេះធ្វើឡើងនៅសៀលថ្ងៃទី២២ មីនា ២០១៥ ក្រោមអធិបតីភាពលោកប៉ា សុជាតិវង្ស អភិបាលនៃគណៈអភិបាលរាជធានីភ្នំពេញ និងលោកជំទាវ ភរិយាលោកម៉ប់ សារិន ប្រធានក្រុមប្រឹក្សារាជធានីភ្នំពេញ ដោយមានការចូលរួមពីមន្ត្រីរាជការក្រោមឱវាទសាលារាជធានីភ្នំពេញ និងប្រជាពលរដ្ឋយ៉ាងកុះករ ។
ពិធីក្រុងពាលីនេះធ្វើឡើងតាមប្រពៃណីទំនៀមទំលាប់ដើម្បីសុំ ម្ចាស់ទឹកម្ចាស់ដី សុំសេចក្តីសុខចម្រុងចម្រើនដល់ប្រជាពលរដ្ឋទូទៅ ពិសេសប្រជាពលរដ្ឋក្នុងរាជធានីភ្នំពេញមុននឹងសម្ពោធដាក់ឲ្យ ប្រើប្រាស់ជាផ្លូវការ ដែលភ្ជាប់ជាមួយពិធីសម្ពោធដាក់ឲ្យប្រើប្រាស់ជាផ្លូវការសណ្ឋាគារ របស់អ្នកឩកញ៉ា សុខ គង់ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោហ៊ុន សែន នៅព្រឹកថ្ងៃទី២៣ មីនា ២០១៥នេះ ។
មន្ត្រីសាលារាជធានីភ្នំពេញបានឲ្យដឹងថា «រូបសំណាកព្រះនាងប្រាជ្ញាបារមីដែលសាលារាជធានីភ្នំពេញអភិសេក ឬក្រុងពាលីនេះ គឺជាតួអង្គព្រះពោធិ៍សត្វដែលបង្ហាញឡើងក្នុងរូបភាពជាស្ត្រីដែល ជានិមិត្តរូបនៃចំណេះដឹងខ្ពស់បំផុតក្នុងវិស័យព្រះពុទ្ធសាសនានិកាយ មហាយាន ជាសាសនាមួយមានការពេញនិយមនៅក្នុងរាជព្រះបាទជ័យវរ្មន័ទី៧នា ចន្លោះសតវត្សទី១២ និងទី១៣នៃគ្រិស្តសករាជ ។
ព្រះនាងជ័យរាជទេវី ដែលជាអគ្គមហេសីនៃព្រះបាទជ័យវរ្មន័ទី៧ បានបង្ហាញឡើងក្រោមរូបភាពជាព្រះនាងប្រាជ្ញាបារមីតាមសិលាចារឹកភិ មានអាកាស។ និមិត្តរូបនេះបង្ហាញអំពីវីរភាពរបស់ស្ត្រីក្នុងភាពជាអ្នកដឹកនាំ កំពូល និងមានប្រជាប្រិយភាព»។
ទាក់ទិនជាមួយការស្ថាបនារូបសំណាកវិញ មន្ត្រីមន្ទីរសាធារណការ និងដឹកជញ្ជូនរាជធានីភ្នំពេញបានឲ្យដឹងថា «រូបសំណាកព្រះនាងប្រាជ្ញាបារមីនេះ សាងសង់ឡើងពីថ្មភក់ កំពស់៥,៤០ម៉ែត្រ សង់លើជើងទម្រកំពស់៣ម៉ែត្រ ទទឹង២,២៥ម៉ែត្រ ធ្វើពីបេតុង និងខាងក្រោមមានបំពាក់ក្បាច់លំអធ្វើពីថ្មដុះ និងលំអដោយរូបអប្សរាចំនួន១២ ព្រមទាំងបំពាក់អំពូលបំភ្លឺប្រភេទL.E.D គ្រប់ជ្រុងផងដែរ ៕

អគ្គិភ័យឆេះស្មៅក្នុងក្លិបវាយកូនហ្គោលរ៉ូយ៉ាល់ភ្នំពេញ

Unknown6:26 PMNo comments

from: Kho santepheap

បញ្ចូលអត្ថបទ ៖ ផ្កាយព្រឹក

ថ្ងៃអាទិត្យ ទី២២ ខែមីនា ឆ្នាំ២០១៥ ម៉ោង ១៥:២៩

រាជធានីភ្នំពេញ ៖ ប្រភពព័ត៌មានជំហានដំបូងបានឱ្យដឹងថា អគ្គិភ័យកំពុងឆេះស្មៅនៅក្នុងក្លិបវាយកូនហ្គោលរូយ៉ាល់ភ្នំពេញ ស្ថិតក្នុងភូមិចំនួន៣ គឺភូមិអករំដួល ភូមិត្រពាំងធ្នង់ សង្កាត់សំរោងក្រោម និងភូមិអណ្តូងគ្រាច សង្កាត់ត្រពាំងក្រសាំង ខណ្ឌពោធិ៍សែនជ័យ បង្កឱ្យភ្ញាក់ផ្អើលកាលពីវេលាម៉ោង២ និង២០នាទីរសៀល ថ្ងៃទី២២ មីនា ២០១៥។
មូលហេតុនៃការឆេះស្មៅនេះ ត្រូវអាជ្ញាធរ សមត្ថកិច្ចសន្និដ្ឋានថា កើតឡើងដោយសារមានអ្នកដុតលេង។
ពេលនេះរថយន្តពន្លត់អគ្គិភ័យចំនួន៦គ្រឿង ក្នុងនោះរថយន្តរបស់កងពលតូចលេខ៧០ចំនួន៣គ្រឿង និងរថយន្តពន្លត់អគ្គិភ័យរបស់ស្នងការដ្ឋានរាជធានី៣គ្រឿង រួមជាមួយកម្លាំងប្រជាការពារបាននាំគ្នាអន្តរាគមន៍បាញ់ទឹកពន្លត់ និងកាច់មែកឈើមកវាយពន្លត់ភ្លើងដើម្បីកុំឱ្យឆេះរាលដាលដល់ផ្ទះ ប្រជាពលរដ្ឋ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព

អាថ៌កំបាំង នៃសម្រស់ និង សុខភាព ដែលបានមកពី យ៉ាអួរ

Unknown7:45 PMNo comments

from khmerload
ប្រិយមិត្តភាគច្រើនប្រាកដជា ចូលចិត្តទទួលទានយ៉ាអួរ (ទឹកដោះគោជូរ) ដោយសារតែវាមានរសជាតិឆ្ងាញ់នឹងជួយសម្រួលដល់ប្រព័ន្ធបញ្ចេញចោល ។ ទន្ទឹមនឹងនេះ យ៉ាអួរក៏បានផ្ដល់សារ:ប្រយោជន៍យ៉ាងច្រើនដល់សម្រស់ ដែលនឹងបកស្រាយនៅក្នុងអត្ថបទខាងក្រោមនេះ ÷
១ ជួយឲ្យធ្មេញស ÷ នៅក្នុងយ៉ាអួរ មានផ្ទុកនូវកាល់ស្យូម និង ផូស្វ័រដែលអាចជួយ ធ្វើឲ្យធ្មេញរបស់អ្នកស និង កម្ចាត់នូវសារធាតុ ព៌ណលឿង ដែលមាននៅលើធ្មេញ ។ វាក៏ជួយកាត់បន្ថយក្លិនមិនល្អ នៅក្នុងមាត់ ដោយអ្នកគ្រាន់តែយក វាមកដុសលើធ្មេញរបស់អ្នក ធ្វើបែបនេះឲ្យបានទៀងទាត់ អ្នកនឹងទទួលបានលទ្ធផលជាក់ជាមិនខាន ។
២ ប្រើសម្រាប់កម្ចាត់អង្គែ ÷ នេះជាវិធីដ៏ងាយស្រួលមួយ ដែលជួយកម្ចាត់អង្គែ បានយ៉ាងមានប្រសិទ្ធិភាពដោយយក យ៉ាអួរមកលាប នៅលើស្បែកក្បាល និង សក់ ហើយទុករយ:ពេល ២០នាទី រួចលាងសំអាតវាចេញ ។ វាធ្វើឲ្យសក់របស់អ្នកមានសភាព ទន់រលោង ហើយបំបាត់រមាស់ និង អង្គែដែលមាន លើស្បែកក្បាល ផងដែរ។ អ្នកអាចព្យាយាម ធ្វើវាឲ្យបាន ១ ទៅ ២ដង ក្នុងមួយសប្ដាហ៍។
៣ ប្រើសម្រាប់ខាត់ស្បែក ÷ អ្នកអាចយក យ៉ាអួរមកលាយជាមួយនឹង វ៉លណាត់ម៉ត់ សម្រាប់ធ្វើជា ស្ក្រាប់ខាត់ស្បែក ។ ជាមួយគ្នានេះ វ៉លណាត់នឹងធ្វើឲ្យរន្ធញើសបើក ដែលអាចស្រូបយកជីវជាតិទៅបំប៉ន ដល់ស្បែក ជាពិសេសនោះ វាធ្វើឲ្យស្បែកទន់ មានសំណើម និង ជួយកម្ចាត់ស្បែកក្រិន និង ងាប់ ។
៤ ប្រើវាសម្រាប់ ព្យាបាលការរលាកកម្ដៅថ្ងៃ ÷ តើអ្នកដឹងទេថា យ៉ាអួរ ក៏អាចជួយព្យាបាលស្បែករបស់អ្នក ដែលរងគ្រោះពីកម្ដៅថ្ងៃបាន? ដើម្បីបង្កើនប្រសិទ្ធភាព ក្នុងការព្យាបាល អ្នកអាចបន្ថែម ប្រេង Chamomile ហើយយកវាមក លាបនៅលើបរិវេន ដែលរលាកពីកម្ដៅថ្ងៃ រយ:ពេល ២០នាទី រួចលាងសំអាត ជាការស្រេច។
៥ ប្រឆាំងភាពចាស់ ÷ វិធីងាយៗ ដែលជួយការពារ ស្បែកមុខរបស់អ្នក ឲ្យចៀសឆ្ងាយពីស្នាមជ្រីវជ្រួញ និង ភាពចាស់ ជាមួយ យ៉ាអួរ និង ត្រសក់ ។ ផ្លែត្រសក់ មានភាពត្រជាក់ និង ជួយបើករន្ធញើស ដែលធ្វើឲ្យយ៉ាអួរ អាចជ្រាបចូលបានយ៉ាងល្អ ទៅក្នុងស្បែកមុខ ។ វាគឺជាម៉ាសបិតមុខដ៏ល្អ ដែលអ្នកធ្វើខ្លួនឯង ជាពិសេសគួរតែអនុវត្តន៍វា យ៉ាងតិចឲ្យបាន ១ដងក្នុងមួយសប្ដាហ៍ ។
៦ ជួយកាត់បន្ថយស្នាមជាំ ÷ វាមានប្រសិទ្ធភាព សម្រាប់ជួយកាត់បន្ថយស្នាមជាំបានផងដែរ ដោយលាយយ៉ាអួរ ជាមួយនឹងម៉្សៅក្រាម និង ទឹកក្រូចឆ្មាបន្តិច ហើយយកវា មកម៉ាស្សានៅលើផ្ទៃមុខ ទុកវាឲ្យស្ងួត រយ:ពេល ២០នាទី បន្ទាប់មកលាងសំអាតចេញ ជាមួយនឹងទឹកធម្មតា។ ធ្វើបែបនេះឲ្យបានទៀងទាត់ ជួយឲ្យស្នាមជាំ អស់ទាំងនោះ រលុបបាត់បន្តិចម្ដងៗ។
៧ ជួយកម្ចាត់មុនក្បាលខ្មៅ ÷ លាយម៉្សៅអង្ករ ជាមួយនឹងយ៉ាអួរ ដើម្បីឲ្យខាប់ ហើយយកវាមក លាបនៅត្រង់កន្លែងដែលមាន មុនក្បាលខ្មៅ និង មុនខ្សាច់តូចៗ។ ជាងនេះ អ្នកអាចបន្ថែម ម៉្សៅរមៀត និង ឈើក្រអូបដើម្បីទទួលបាន នូវប្រយោជន៍កាន់តែច្រើន ។
ជាការពិតណាស់ ការលាបយ៉ាអួរ នៅលើស្បែកទៀងទាត់ នឹងជួយឲ្យកាត់បន្ថយស្នាមស្រអាប់ និង មុន។ វាគឺជាវីធីដ៏មានប្រសិទ្ធភាពមួយ ដែល ជួយដោះស្រាយ នូវបញ្ហាស្បែក និង សក់ មិនតែប៉ុណ្ណោះទេ យ៉ាអួរ ក៏បានបំពេញនូវតម្រូវការនៃរបបអាហារ និង អាហាររូបត្ថម្ភប្រចាំថ្ងៃផងដែរ។ វាបានផ្ដល់នូវសារ:ប្រយោជន៍ យ៉ាងច្រើនលើសលុប មិនថាសម្រស់ ឬ សុខភាព៕

ប្រភព Magwomen
ដោយ ដាលីស
ខ្មែរឡូត

Welcome to visite my news blog

During sharing certificate at DonBosco Scholl

Final exam of students second years

Festive ceremony celebrating the depths of DonBosco Sihanouk ville

Internship at Kqupe.Net

Monday, March 23, 2015

ព្យុះស៊ីក្លូនបក់ទៅលើឆ្នេរអូស្រ្តាលីជាលើកទីពីរ

អង្គការសហប្រជាជាតិ(UN)ស្នើសុំបើកការិយាល័យUNOPS នៅកម្ពុជា

Sunday, March 22, 2015

អគ្គិភ័យឆេះស្មៅក្នុងក្លិបវាយកូនហ្គោលរ៉ូយ៉ាល់ភ្នំពេញ

Sunday, March 1, 2015

អាថ៌កំបាំង នៃសម្រស់ និង សុខភាព ដែលបានមកពី យ៉ាអួរ

Labels

Blog Archive

Download

Labels

Definition List

WEB DEVELOPMENT

facebook

Categories

Khmer Proverb

FREE VECTORS

google.com

CORPORATE WEB DESIGN